Која е разликата меѓу кафените и белите јајца?

Кога станува збор за купување јајца, дали најчесто посегнувате по белите или по кафените? Дали од нивната боја зависи вашиот избор? Можеби купувате бели бидејќи сте израснале јадејќи ги нив. Или пак, некаде сте чуле дека кафените се подобри за вас, па тие станале вашиот прв избор. Белите и кафените јајца дефинитивно изгледаат различно, а исто така можете и да забележите разлика во цената, но дали тие се разликуваат и по својата содржина?

Која е разликата меѓу кафените и белите јајца?

Разликата помеѓу кафените и белите јајца

Кога станува збор за нивната боја, разликата се крие во видот на кокошка. Најчесто, оние што се со бели пердуви и бели ушни школки несат бели јајца, додека пак, оние со црвено-кафени пердуви и црвени ушни школки несат кафени јајца. Можеби не сте чуле досега, но постојат и видови кокошки што несат сини јајца.

Дали кафените јајца се подобри од белите?

Бојата на јајцето не е индикатор за неговиот квалитет. Кога станува збор за вкус и хранливост, не постои разлика помеѓу белите и кафените. И покрај тоа што кафените јајца често се поскапи, тие не се подобри за вас во однос на белите. Разликата во цената е делумно поради маркетиншки трик, делумно поради фактот што кокошките со црвено-кафени пердуви и црвени ушни школки се поголеми од оние со бели пердуви и ушни школки, поради што јадат повеќе – фармерите мора некако да надополнат за зголемената консумација на храна, па ја зголемуваат нивната цена.

Дали кафените јајца се поцврсти?

Доколку некогаш сте забележале дека одредени јајца потешко се кршат од останатите, тоа е поради годините на кокошката, а не поради бојата на самото јајце. Помладите кокошки имаат тенденција да несат јајца со поцврста надворешност, додека пак, постарите со помека. Ова важи и за белите и за кафените јајца.

Па, какви јајца преферирате вие, бели или кафени?

За авторот
Дипломиран психолог кој обожава да пишува. Отсекогаш многу ја интересирала астрономијата и физиката, а животно мото ѝ е дека не смее да помине ни еден ден без танцување. Автор на книгата „На работ од времето“, првиот дел од трилогијата „Наследството на Вероника“.

Поврзани содржини

Остави коментар