Кои градови нудат најдобра забава за дочек на Нова година?

Добро расположение, конфети, огномет, шампањско и одбројување на последните секунди од годината е сосема доволно за убаво дочекување на новата. Меѓутоа, некои од светските градови нудат навистина одлична забава, незаборавни моменти, импресивен огномет и фантастичен дочек. Токму затоа голем број туристи штедат преку годината за да поминат неколку незаборавни ноќи во некој од следниве градови.

Рио де Жанеиро, Бразил

Кои градови нудат најдобра забава за дочек на Нова година?

Плажата Ревелион во Рио е едно од најдобрите места за дочек на Нова година. Имено, за време на дочекот на плажата се поставуваат повеќе бини, а посетителите можат да уживаат во различна музика и традиционално бразилско танцување. На плажата најчесто луѓето доаѓаат облечени во бело, бидејќи во Бразил сметаат дека оваа боја носи среќа. Се пие шампањско, се игра самба, а кога ќе се спојат стрелките, започнува огнометен спектакл.

Њујорк, САД

Кои градови нудат најдобра забава за дочек на Нова година?

Њујорк стана синоним за гарантиран одличен дочек на Новата година. Милион луѓе од целиот свет доаѓаат да го видат традиционалното спуштање на прочуената светкава топка, но и да уживаат во огнометен спектакл и бура од конфети.

Единбург, Шкотска

Кои градови нудат најдобра забава за дочек на Нова година?

Доколку една ноќ славење не ви е доволна, појдете во Единбург, Шкотска. Таму славењето по повод Нова година трае четири дена, а забавата кулминира со пиротехничкото шоу над замокот Единбург. Овој град нуди одлични концерти, традиционални танцови и феноменални забави за време на дочекот на Нова година.

За авторот
Дипломиран новинар со широк спектар на интереси. Љубител на ТВ серии, фудбал и Цедевита. Статистичар по природа и страстен фан на Јувентус и Роџер Федерер.

Поврзани содржини

Остави коментар