Каква храна се продава на улиците ширум светот?

Кај нас секое утро на пат кон работа или факултет ќе ги сретнете продавачите на тазе испечени ѓевреци. Ако отпатувате во некоја друга земја тоа можеби ќе ви недостига, но ќе можете да експериментирате со други интересни брзи „улични“ оброци (освен хамбургерите и хот догот).

Холандија

Најпопуларната храна која се продава на улиците ширум Холандија изворно се нарекува пататје орлог, или во превод „воени компирчиња“. Тоа се пржени компирчиња прелиени со мешавина од кечап, мајонез и сос од кикиритки, врз кои потоа се додава пржен кромид.

Каква храна се продава на улиците ширум светот?

Канада

Канадската варијанта на пржените компирчиња се вика путин. Доаѓа со прелив од сос од печено месо и многу сирење.

Каква храна се продава на улиците ширум светот?

Египет

Специјалитетот од египетските улици е доста богат. Се прави од паста, ориз, леќа, грашок и карамелизиран кромид. Изгледа како голем оброк, а продавачот на улица ќе ви го наполни во сад, затоа што тоа е единствениот начин да го носите со себе.

Каква храна се продава на улиците ширум светот?

Виетнам

Ако сакате набрзина да јадете во Виетнам, побарајте Бан Ми. Овој сендвич кој најчесто се наоѓа кај уличните продавачи е наследство од француските колонизатори. Тоа е мек француски багет наполнет со печено свинско месо, на кој потоа му се додава локален печат преку виетнамскиот мајонез, моркови, ротквици и чили сос.

Каква храна се продава на улиците ширум светот?

Израел

Вегетаријанците можат да си дозволат уличен оброк во Израел. Таму ќе вкусат сабих, специјалитет донесен од Ирачките евреи, кој претставува вкусна комбинација од мек леб со варени јајца, краставички, хумус, тахини и сос од манго.

Каква храна се продава на улиците ширум светот?

Финска

Најпопуларна улична храна во Финска е питата со месо која е слична на бурекот. Тие ја нарекуваат лихапирака, а ја има во повеќе варијанти зависно од регионот во кој се прави.

Каква храна се продава на улиците ширум светот?

Шпанија

Бокадилјо е едноставен сендвич карактеристичен за Шпанија. Може да биде наполнет со најразлични состојки, а најчесто се наоѓа со шпански омлет или чадена шунка.

Каква храна се продава на улиците ширум светот?

Јамајка

На улиците на Јамајка може да се почувствува мирисот на парче свинско или пилешко месо печено на скара со традиционални јамајкански зачини. Тоа е нивниот поим за улична храна.

Каква храна се продава на улиците ширум светот?

Бразил

Највкусниот бразилски евтин специјалитет има повеќе имиња зависно од регионот: чипа, пао де киху, пан де јука или куњапе, но секаде тоа е печено топче од леб и сирење.

Каква храна се продава на улиците ширум светот?

Мароко

Примероците од богатата мароканска кујна кои можат да се најдат по улиците вклучуваат печени полжави, говедски колбаси и печена пченка на стапче.

Каква храна се продава на улиците ширум светот?


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Го интересираат општествените науки и сето она што ја истражува повеќедимензионалноста на светот и човековото однесување, но од тоа само правото му е професија. Вљубеник во филмот, фотографијата, читањето и сите спортови на овој свет. Пишувањето му е задоволство кое му овозможува да биде во контакт со нив секој ден.

Поврзани содржини

  1. Aleksandar Reply

    Израел
    Вегетаријанците можат да си дозволат уличен оброк во Израел. Таму ќе вкусат сабих, специјалитет донесен од Ирачките евреи, кој претставува вкусна комбинација од мек леб со варени јајца, краставички, хумус, тахини и сос од манго.- Vegetarijancite ne jadat jajca…..

  2. Sofija Reply

    Aleksandar vegeterijancite ne jadat samo mes i mesni proizvodi…veganite se onie sto ne jadat nisto od zivotinsko poteklo :)

Остави коментар