Каде оди нашата душа кога сонуваме според Индијанците?

Сонувањето е многу важен дел од културата на Индијанците. Тоа е длабоко врежано во нивната традиција и нивната духовност. Тие ги учат своите деца да ги помнат нивните соништа за да можат да ги користат како водич во животот.

kade-odi-nashata-dusha-koga-sonuvame-spored-indijancite-kafepauza.mk

Но, каде оди нашата душа кога сонуваме? Дали останува во нашето тело додека нашиот ум го истражува светот на соништата? Или пак, доаѓа со нас и истражува заедно со умот. Овие прашања укажуваат на тоа дека имаме една душа. Но, според Индијанците, ние имаме 3 души. Прва е его-душата која е поврзана со нашиот здив. Втора е телесната душа која ни дава енергија и животна сила додека сме будни. И трета е слободната душа, која го напушта телото за време на сонувањето и на состојбите на транс.

Индијанците верувале дека дел од душата буквално оди и истражува други димензии. Таа оперира додека физичкото тело спие. Другите две души остануваат во телото додека слободната патува кон светот на соништата.

Светот на соништата

Според Индијанците, умот не сонува ништо, исто како и телото. Поглаварот на едно племе го објаснил тоа на следниот начин:

„Вашата душа ги сонува соништата, не вашето тело, ниту вашиот ум. Овие соништа се остваруваат. Душата патува низ целиот свет кога сонувате.“

Тие веруваат дека кога душата оди во светот на соништата таа комуницира со други духови и човечки души. Во овој свет, можете да комуницирате и со животни. Овој свет е реален колку и физичкиот.

Голем дел од Индијанската филозофија смета дека и овој живот е само еден долг сон. Кај Индијанците нема разлика во важноста на светот на соништата и реалниот живот. Всушност, ако некој сонувал дека е повреден од некое животно, тој бил третиран во реалниот свет.

Слично како нашите психијатари кои ни помагаат со проблемите во реалниот живот, Индијанците се консултираат за нивните соништа.

Гледање на соништата во ново светло

Спротивно на модерниот свет, соништата во Индијанската култура се исто толку важни колку и реалноста. Понекогаш дури соништата се и поважни. Ова е бидејќи во сонот добиваат духовни водичи, предвидувања за иднината, и се поврзуваат со Духот. Може да се каже дека светот на соништата е астрална димензија која ја посетуваат нашите души со цел да учат и да созреваат.

Ако Индијанците биле во право, можеби треба да почнеме посериозно да ги сфаќаме нашите соништа. Можеби во нив се кријат одговорите кои ги бараме.

Прочитајте го и мислењето за значењето на соништата на психолозите.

За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар