Претходно
Јапонската градина „Ника Јуко“ – вистински рај на Земјата
„Ника Јуко“ е градина дизајнирана во јапонски стил која се наоѓа во Алберта, Канада. Не станува збор за обична цветна градина, туку за неверојатен предел кој е естетски обликуван за да придонесе за поголем мир и уживање на посетителите. Целта на оваа градина е да ги задоволи сите ваши потреби, од психичка рамнотежа до физичка хармонија со помош на погледите, звуците и миризбите. За целосно да се постигне ова, на посетителите им е дозволено да носат само вода со нив. Храна и пијалаци се забранети.
Градината се состои од пет базични области:
- сувата градина
- дел со планини и водопад
- областа покрај потокот со остров и месечеви мостови
- дел со базени и вештачки езерца
- прерија
Историјата на оваа градина започнува во 16-от век, кога била дизајнирана за да промовира медитација и смирено размислување. Денес е едно од најуникатните делови на Земјата и секојдневно е посетувана од стотици локални и интернационални гости. Има место и за кампување, како и хотел и мотел за сместување кои се во непосредна близина на градината.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
