Претходно
Егзотичен ресорт во Занзибар кој ви овозможува да спиете со рипките
Датум: 18 ное 2013
Коментари: 0
Доколку секогаш сте сонувале да спиете под вода, Манта Ресорт е вистинското место за тоа. Лоциран на островот Пемба во Занзибар, овој ресорт е излез од реалноста, од едноставна причина што престојувањето е на неколку стотици метри оддалечено од крајбрежјето, во хотелска соба која лебди во океанот. Ресортот содржи и подводна спална соба, создадена за набљудување на водниот свет.
Малиот лебдечки остров се состои од три нивоа и е наменет само за среќниците, кои можат да одвојат 1.500 американски долари за еден вечер. На нивото коешто лебди над водата, има просторија за одмор и за ручање, а на врвот има палуба којшто е одлична за сончање преку ден и за набљудување на ѕвездите навечер.
Најголемата магија на овој мал „остров“ е фактот дека спалната соба се наоѓа на 4 метри под вода, со прозорци на сите страни и светла кои навечер ја осветлуваат водата и овозможуваат да ги ѕиркате рибите и останатите морски животни во океанот. Тоа создава чувство како да спиете заедно со нив. Тука можете да заборавите на бучните соседи, бидејќи во подводната соба во Манта Ресорт, сте само вие и животните кои пливаат околу вас.
Во цената за ноќевање во подводната соба, спаѓаат и разните хотелски услуги на останатиот дел од ресортот, кој се наоѓа на копно. Егзотичната локација е погодна и за нуркање и за сафари. Но, кој би го напуштил релаксирачкиот лебдечки остров со подводна спална соба за да прави нешто друго?!
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
