Претходно
Едноставен начин да ги претворите старите чевли во свечени и модерни со помош на неколку детали
Ако имате еднобојни чевли кои одамна ви досадиле, а потребно ви е нешто ново, убаво и интересно за некоја свечена прилика, тогаш сте на вистинското место. Особено ако ги сакате „направи сам“ проектите, задолжително погледнете го овој едноставен начин за кој ви е потребна мала сума пари, а ќе добиете нешто што сите останати го немаат.
Потребни материјали:
- Лента чипка
- Сребрени, пластични каменчиња
- Златни, ситни, пластични каменчиња
- Супер лепило
- Ножички
- Чепкалки за заби
- Чевли, по можност во беж боја.
1. Исечете ја чипката со соодветна должина за да ја прекрие целата пета и штикла, па со помош на лепило залепете ја.
2. Кога ќе се исуши лепилото, на ред доаѓаат каменчињата.
3. Со помош на чепкалките за заби, нанесете лепило на секое од каменчињата, па залепете ги на чипката.
4. Каменчињата наредете ги по сопствена желба, но не заборавајте дека малку е повеќе и дека чевлите треба да изгледаат елегантно, а не да бидат кич.
Работата е завршена.
Вашите стари нови чевли сега се идеални за приликите во кои сакате да изгледате елегантно, но и уникатно.
Доколку барате чевли за венчавка, а немате ништо што ви се допаѓа, сега знаете како можете самите да ги направите.
