Дали можете да се разболите ако постојано се чувствувате уморни?

Дали можете да се разболите ако постојано се чувствувате уморни?

Сигурно не сте уживале многу во ноќите што сте ги поминале будни бидејќи сте имале за учење или работа. Но, дали можете навистина да се разболите од чувството на умор? Според неодамнешното истражување спроведено на Универзитетот во Вашингтон, постојат докази дека хроничната исцрпеност влијае на работата на имуниот систем и тоа не на начин што може да ве претвори во човек со супермоќи кој никогаш не се разболува.

Дали можете да се разболите ако постојано се чувствувате уморни?

Имено, истражувачите земале примерок од крв од 11 пара идентични близнаци кои ги откриле нивните навики за спиење. Две недели испитаниците носеле направа како бразлетна на раката која го мерела траењето на нивниот сон. На крајот од истражувањето, била направена споредба помеѓу примероците од крв на близнаците.

Резултатите покажале дека кај близнакот кој спиел помалку имало знаци на намален имунитет.

„Зачестениот недостаток на сон е поврзан со зголемувањето на бројот на гените кои учествуваат во процесот на транскрипција, транслација, оксидациска фосфорилација и рибозомите. Од друга страна, пак, недостатокот на сон го намалува бројот на гените кои се присутни во имуниот систем“, објасниле истражувачите.

Со други зборови, хроничниот недостаток на сон ја прекинува работата на имуниот систем.

„Нашето истражување ја докажува врската меѓу недостатокот на сон и негативните метаболични, кардиоваскуларни и воспалителни последици“, заклучиле истражувачите.

Нивното откритие е поддржано и од едно претходно истражување кое го докажало значењето на сонот за регулацијата на работата на имуниот систем. Наводно, недостатокот на сонот ја попречува неговата работа. Според едно европско истражување од 2012 година, сериозниот недостаток на сон ја поттикнува истата реакција на имуниот систем што ја поттикнува и физичкиот стрес, особено во однос на белите крвна зрнца. Освен тоа, едно друго истражување открило дека недостатокот на сон го ослабува ефектот на вакцините. Со текот на времето, недоволното спиење може да доведе до сериозни здравствени последици.

Недостатокот на сон навистина може да ве направи подложни на многу болести. За среќа, решението е многу едноставно: Спијте повеќе! И покрај тоа што лесно може да се заборави на спиењето во периодите кога сте презафатени, станува збор за неопходен дел од грижата за сопственото здравје. Нареден пат кога ќе паднете во искушение да изгледате 50 епизоди одеднаш од вашата омилена серија, сетете се на ова истражување, исклучете го лаптопот и наспијте се убаво.

За да добиете повеќе информации на оваа тема, прочитајте зошто имаме потреба од спиење.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Писателот во нејзината глава вели: Дај ми англиска книжевност. Дај ми урбан апсурд и егзистенцијализам. Дај ми мистерии за човечката психа. Дај ми театар и џез како терапија.

Поврзани содржини

Остави коментар