Дали и вие погрешно го облекувате вашиот градник?

Дали и вие погрешно го облекувате вашиот градник?

Градникот има важна улога во животот на жените, па токму затоа и е дел од нивната секојдневна облека. Со негова помош градите имаат соодветна поддршка и изгледаат беспрекорно. Но, и покрај тоа што пронаоѓањето совршена долна облека за жените претставува голема мака, според податоците дури 85% носат погрешен модел кој не одговара на нивното тело. Од друга страна пак, 60% од жените погрешно го облекуваат својот градник.

Дали и вие погрешно го облекувате вашиот градник?

Според неодамнешни истражувања спроведени на жени од различна возраст, повеќе од половина жени го облекуваат градникот погрешно, односно го закопчуваат напред, а потоа го вртат, ги ставаат прерамките и го наместуваат. Правилниот начин на облекување градник е доколку прво го наместите во својата позиција, а потоа го закопчате на грбот. За оваа техника потребно е малку повеќе вежба, но сепак 40% од жените ја имаат добро совладано.

Но, зошто постои погрешен и правилен начин на закопчување? Доколку го практикувате погрешниот начин, вие го растегнувате материјалот на градникот и скоро дупло ја намалувате неговата функционалност. Со ова растегнување доаѓа до пукање во ткаенината која го прави градникот еластичен и цврст, па со тоа и се скратува неговиот век на траење. Исто така со вртењето вие го триете од вашата кожа и затоа станува брзо нечист, па мора почесто да го перете. Со честото перење, вие ја менувате формата на корпите, што повторно придонесува за негово побрзо уништување.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар