Претходно
Чадори кои ја разбиваат монотонијата
Автор: Петар Џајковски
„Choke–urban creation“ е млада германска организација чија цел е да ги спојува секојдневните предмети со артистички идеи и дизајни од целиот свет. Нивната замисла е да имплементираат што повеќе живи бои во секојдневната урбана сцена, прикажувајќи креативност таму каде што таа најмалку се очекува.
Инспирацијата за овој нивни прв проект (Choke umbrellas) ја добиле шетајќи низ улиците во Глазгов, Шкотска. Набљудувајќи ја монотонијата на модерната метропола во врнежлив ден, на артистите им недостигало чувството на силните, топли бои на летото. Така се решиле да им дадат можност на луѓето да ја покажат својата љубов кон живите бои и уметноста дури и во најлошите временски услови.
Овие чадори се навистина несекојдневни и сигурно ќе ве натераат да се чувствувате весело додека чекорите под дождот, но и неизбежно ќе подарат насмевка на секој случаен минувач.
За подетални информации посетете го официјалниот сајт на „Choke-urban creation“ каде што можете и да купите некој од овие три единствени чадори за 25 евра.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
