Претходно
Алонсо Матео – најдобро облеченото петгодишно дете
Повеќето петгодишни деца сакаат да си играат со облеката, комбинирајќи различни прачиња за да изгледаат ултраексцентрично, но Алонсо Матео не си поигрува со модата. Овој мини фешониста ги носи најдобрите модни комбинации, се смешка харизматично и позира пред камерата, како да е искусен фотомодел. Секоја негова фотографија која е објавена онлајн на социјалните мрежи како Инстаграм и Фејсбук, станува вирален хит, а неговиот перфектен стил, претставува модна инспирација и за возрасните.
И покрај тоа што Матео има само 5 години, тој е облечен во дизајнерска облека од брендови како Том Форд, Гучи, Диор, Стела Мекартни и Марк Џејкобс. Илјадниците фанови кои ја следат секоја негова нова фотографија, се воодушевени од неговиот моден вкус, но има и такви кои велат дека ваквиот стил е премногу нападен за едно петгодишно момче и дека родителите треба да му дозволат да има нормално детство.
Неговата мајка Луиса Фернанда Еспиноса, која е фриленс стилистка од Лагуна Бич, Калифорнија, вели дека никогаш не го принудувала нејзиниот син да носи модерна облека. Уште како мал, му ставала шал или капа и него тоа не му сметало. Подоцна, кога наполнил скоро 4 години, сам почнал да ја прашува неговата мајка за вратоврски и одела.
Кариерата на Алонсо како модна икона на интернет, започна откако неговата мајка прикачи неколку фотографии на Инстаграм и доби фантастичен одговор од интернет-заедницата. Профилот на мајката денес има над 130.000 следачи, а отворен е и ФБ профил за малиот, кој полека собира обожаватели.
„Обожавам костуми, патики и очила за сонце. Сакам да се облекувам како татко ми, затоа што тој има кул костуми“ – вели Алонсо.
„Кога одиме на шопинг, ако тој сака мокасинки како оние на неговиот татко и се со добар квалитет, ги купувам. Добро се справуваме растејќи го нашиот син. Тој е секогаш љубезен, приземен и е многу слатко момче“ – вели мајката.
Секое утро, пред да оди во училиште, Алонсо заедно со неговата мајка го посетуваат неговиот огромен гардеробер за да одберат облека. Алонсо е тој којшто одлучува што сака да облече, но мајка му е секогаш тука за да му подели некој добар совет и да се увери дека комбинацијата ќе има смисла. Малиот станал толку популарен, што понекогаш кога излегуваат, надвор ги пречекуваат фанови кои чекаат ред за да се фотографираат со него.
„Не знам дали бидејќи е само дете кое е опкружено со многу возрасни луѓе, сака да го имитира стилот којшто го гледа околу себе. Мислам дека тој не забележува дека е трендсетер. Премногу е млад“ – вели мајката.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
“Повеќето петгодишни деца сакаат да си играат со облеката, комбинирајќи различни прачиња за да изгледаат ултраексцентрично, но Алонсо Матео не си поигрува со модата.”
– Па баш и не е така. Не познавам петгодишно машко дете кое се замара со тоа што ќе носи, а особено не го знаат значењето на изгледањето ултраексцентрично. Така што коментаров е малку претеран.
И замислете сега каков одвратен мрсолко би испаднал од ова дете.
Majka mu si igra so nego i go oblekuva kako saka 🙂
A verojatno i ima nekakvi ambicii pa zatoa se posvetila na ova “pomodarstvo” na sinceto.