Претходно
Ако планирате есенска венчавка, тогаш искористете ги паднатите лисја како совршена декорација
Датум: 30 сеп 2015
Коментари: 0
Ако барате романтични и необични идеи за венчавка, тогаш есента може да ви биде одличен сојузник. На многу едноставен начин и без многу потрошени средства можете просторот за венчавка да го направите посебен и романтичен.
Најверојатно досега на никого не му паднало на памет да ја украси салата со паднати есенски лисја. Да, есенски лисја во необични бои кои можете да ги соберете од парковите, улиците или од вашата градина и со нив да го претворите просторот во прекрасна есенска бајка.
Како ви се чини од паднати есенски лисја да направите цветен аранжман на масата?
Или наместо со ливчиња од ружа, патот кон олтарот да ви биде прекриен со лисја во есенски бои?
Кој вели дека поканата мора да биде украсена со светки, бисери или со сатенска лента? И паднат лист делува како одличен избор, изгледа префинето, а заштедата не е за потценување.
Дури и свадбената торта можете да ја украсите со ружи во портокалова боја, бидејќи оваа боја е карактеристична за есента, а околу нив да има лисја во зелена боја како и ливчиња од ружи.
Па и масите за гостите, но и просторот пред салата ќе добијат некој посебен ефект ако се украсат на овој начин.
Дали ви се допаѓа идејата да ја украсите вашата венчавка со паднати есенски лисја?
