9 „мали нешта“ кои откриваат многу повеќе за вашиот карактер отколку што мислевте

Навидум безначајните карактерни особини на некоја личност и нејзиното однесување може да откријат многу повеќе нешта за неа отколку што можете да замислите. За да ви го докажеме тоа, составивме листа од тие мали нешта кои може да ви помогнат полесно да ги разберете луѓето околу вас.

1-9-mali-neshta-koi-otkrivaat-mnogu-povekje-za-vashiot-karakter-otkolku-shto-mislevte-www.kafepauza.mk_

1. Начинот на кој се смее и ги изразува своите чувства

Кога некој ќе се насмее искрено, околу неговата уста и очи се појавуваат брчки. Кога насмевката е лажна, брчките се појавуваат само околу устата.

Кога личноста е преплавена со силни емоции, очите ѝ стануваат влажни и мора да проголта повеќе плунка. Доколку некој од овие знаци недостасува, тоа значи дека тие чувства на таа личност не се толку искрени како што сте претпоставувале.

2. Начинот на кој се поздравува со останатите

Силен, цврст стисок на раката укажува на тоа дека личноста пред вас е отворена и сака јасно да ги изрази своите чувства. Доколку тој или таа при поздравувањето ја стави раката на вашето рамо, тогаш му/ѝ се допаѓате или се работи за манипулатор.

Доколку личноста ја фати вашата рака со двете свои раце, тогаш таа сака нешто од вас или има порака која треба да ви ја пренесете.

3. Колку често го проверува својот телефон

Личностите кои често ја проверуваат е-поштата на својот мобилен, новостите на Фејсбук, или пак нешто друго, често се депресивни и бараат некој облик на надворешна стимулација.

2-9-mali-neshta-koi-otkrivaat-mnogu-povekje-za-vashiot-karakter-otkolku-shto-mislevte-www.kafepauza.mk_

4. Начинот на кој прави „слефи“

Личностите кои ја држат камерата од долу, имаат позитивен став за сè околу нив. Луѓето кои се претерано сериозни или одговорни, ретко им даваат до знаење на другите што прават по пат на социјалните мрежи и често се фотографираат на начин на кој не е возможно да се дознае каде се наоѓаат.

Од друга страна пак, опсесивното фотографирање со гримаси како напрчена уста, може да укажува дека личноста пати од претерана психолошка напнатост.

5. Начинот на кој се однесува на трпезата

Личностите кои ја сечат храната на мали парчиња, имаат тенденција да бараат долгорочни односи и се обидуваат да живеат според своите планови. Од друга страна пак, некој кој ги меша сите делови од своето јадење, многу веројатно има силен карактер.

Личноста која јаде брзо е одлична во мултитаскинг – тоа се вид луѓе кои во голема мера се почитувани на своето работно место, ретко ги пропуштаат роковите и секогаш планираат однапред. Личностите кои јадат бавно, живеат во сегашниот момент и знаат да уживаат во животот.

6. Избор на теми за разговор

Ако личноста во разговорот често го користи зборот „јас“, многу веројатно ја зборува вистината, но ако постојано го употребува зборот „јас“, најверојатно е многу егоцентрична.

За разлика од тоа, честата употреба на зборот „ние“ укажува на тоа дека тој или таа е потполно нурнат/а во животот на својот социјален круг.

Интересно е тоа дека луѓето како што стареат поретко користат глаголи во минато време, а почесто оние во идно време.

3-9-mali-neshta-koi-otkrivaat-mnogu-povekje-za-vashiot-karakter-otkolku-shto-mislevte-www.kafepauza.mk_

7. Начинот на кој јаде пуканки

Истражувањата покажале дека интровертите внимателно јадат пуканка по пуканка. Екстровертните, од друга страна пак, сакаат да јадат цела рака со пуканки.

Оние кои брзо ги јадат сите пуканки, помалку се себични и ги вреднуваат интересите на другите повеќе од сопствените.

8. Избор на кафе

Лидерите преферираат еспресо, а оние кои го следат туѓото водство сакаат дупло еспресо. Личностите кои сакаат кафе со млеко, честопати тешко донесуваат одлуки и се воздржани во сè. Луѓето кои се доста друштвени и креативни обично сакаат капучино, а авантуристите фрапучино.

Обично, црно кафе нарачуваат оние со јасен став за животот, оние кои ретко прават необични работи. Луѓето кои одвреме-навреме бараат нови искуства, сакаат да додадат млеко или крем и шеќер во своето кафе.

9. Правецот во кој гледа додека пие

Луѓето кои гледаат во длабочината на својот чај, честопати се промислени, фокусирани и помалку склони кон фантазирање.

Оние кои гледаат во врвот на својата чаша, лесно паѓаат под туѓите влијанија и може да бидат невнимателни, но истовремено свесни за светот кој ги опкружува.

Доколку личноста ги затвора очите додека пие, можеби доживува некој вид болка или непријатност и бара начин за опуштање.

4-9-mali-neshta-koi-otkrivaat-mnogu-povekje-za-vashiot-karakter-otkolku-shto-mislevte-www.kafepauza.mk_

За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

Остави коментар