Претходно
500 години старо пророштво: Снегот што ја завеа Европа можеби е знак за крај на светот
Во светот постојат многу луѓе кои тврдат дека се пророци и дека имаат моќ да ја предвидат иднината. Сигурно сте чуле за Нострадамус и Баба Ванѓа и нивните пророштва, но тие не се единствените за кои се верувало дека можат да ги предвидат идните случувања.
Матео Тафури е познат како италијанскиот Нострадамус и тој пред неговата смрт во 1582 година предвидел дека кога градот Саленто во јужна Италија ќе биде два дена по ред завеан во снег, може да се очекува крај на светот.
Иако ова никогаш досега се нема случено, на почетокот на 2017 година во Саленто врнело снег и тоа точно два дена по ред.
Зборовите на Тафури биле следниве:
„Саленто од палмови дрвја и јужен ветер, силниот Саленто… Два дена снег, два блесоци на небото, знам дека тоа е крајот на светот, но не го посакувам.“
Секако дека ваквите пророштва не треба да се земаат здраво за готово, бидејќи досега имало многу такви предвидувања кои претскажувале апокалипси и природни катастрофи, меѓутоа не се оствариле. Сепак, мора да признаеме дека ваквите теми на разговор се интересни за дебата и дискусија, така што слободно можете и вие да влезете во улога на пророци и да дадете ваше мислење околу можниот крај на светот.
