5 начини на кои кучињата ви ги читаат мислите

Гордиот сопственик на куче секогаш вели дека неговото милениче е паметно. И навистина, постојат истражувања кои го докажуваат тоа.

5 начини на кои кучињата ви ги читаат мислите

Чувствуваат емпатија

Кучињата можат да почувствуваат како е расположен нивниот сопственик не по неговите постапки, туку преку читање од неговото лице. Имено, луѓето секогаш ги изразуваат емоциите преку лицето, и тоа од десната страна, така што секогаш кога гледаме во нечие лице, несвесно се фокусираме на десната страна барајќи одредени информации. Покрај нас луѓето, тоа го прават уште некои видови мајмуни и кучињата, што им дава можност да погодат што се случува со нивниот сопственик. Исто така, постои уште еден интересен начин на кој кучињата можат да „сочувствуваат“ со луѓето, а тоа е „заразата“ со прозевањето.

Знаат дека нашиот видик е поинаков од нивниот

При еден експеримент научниците поставиле човек на едната страна од собата, куче на другата, а во средина две играчки. Човекот можел да види само една од играчките затоа што пред едната имало проѕирна, а пред другата непроѕирна преграда. Кучето можело да ги види и двете. Кога му било кажано да му однесе на човекот една од играчките, без да му се каже која од нив, тоа секогаш ја бирало играчката која човекот можел да ја види. Кога преградите биле тргнати, ја носел онаа која тоа ќе посакало. Кучињата знаат што гледаме. Затоа, на пример, ако на масата има чинија со храна тие не ја чепкаат додека сме тука, но ако се свртиме веднаш ја напаѓаат.

5 начини на кои кучињата ви ги читаат мислите

Знаат дека ние знаеме нешта кои тие не ги знаат

Кучињата можат да „намирисаат“ дека луѓето се поинтелигентни од нив и затоа им веруваат. Кога им било дадено да изберат помеѓу мала чинија со храна која ја јадат нивните сопственици и голема чинија полна со храна која луѓето не ја јадат, тие се одлучиле за првата опција.

Го разбираат покажувањето со прст

Кучињата знаат дека знаеме работи кои тие не ги знаат, знаат и кога гледаме поинаку од нив, па затоа добро го разбираат и покажувањето со прст. Едноставно, веруваат дека за нив е добро да послушаат во таква ситуација и затоа се вртат таму каде што ќе им се покаже. Дури и да не им се покаже јасно, ако човекот е фокусиран со погледот на одреден објект, тие знаат дека тој е заинтересиран за него.

Знаат кога не им давате фер третман

Научниците направиле експеримент со две кучиња кои успешно изведувале еден ист трик. По секој успех, едното од нив било наградувано, а другото не. По некое време второто престанало со изведбите и почнало да покажува знаци на вознемиреност. Истото може да се случи и кога сопственикот ќе покаже емоции кон друго куче во присуство на своето. Не се работи за љубомора, затоа што кучињата не можат да го почувствуваат тоа, но знаат кога не добиваат фер третман.

За авторот
Го интересираат општествените науки и сето она што ја истражува повеќедимензионалноста на светот и човековото однесување, но од тоа само правото му е професија. Вљубеник во филмот, фотографијата, читањето и сите спортови на овој свет. Пишувањето му е задоволство кое му овозможува да биде во контакт со нив секој ден.

Поврзани содржини

  1. Ana Reply

    Nisto od gore napisanoto ne e vistina. Mozebi takvi podatoci si nasol, procital i prevel ama voopsto ne e taka. Rabotam so kucinja povekje od 17 god i…Izvini Petar ama stvarno nema vrska!!!!!

    • Петар Тодоровски Reply

      Јас не работам со кучиња и не можам врз основа на мое искуство или видувања да тврдам дали е тоа така или не. Затоа пронајдов податоци кои се поткрепени со научни истражувања и само ги пренесов.

  2. Ana Reply

    Vekje precesto se pisuvaat informacii koi se “baziraat na naucni istrazuvanja” a vsusnost se izmislica ili sogleduvanje na nekoj sto gi napisal. Vo slucajov ti si gi prevzemal od negde, no od svoeto iskustvo te uveruvam deka mnogu od niv navistina ne se tocni . Mozebi poostro izreagirav, no navistina me iritiraat sekakvi izmislici na koi lugjeto veruvaat, a se napraveni bez konsultacija na strucno lice, ili barem lice koe ima iskustvo. Pogore napisanoto se odnesuva na kucinjata i zatoa tuka izreagirav. Mnogupati citam sekakvi statii za toa kako treba da se odnesuvaat lugjeto kon kucinjata i kako da gi prepoznaat odredenite znaci, a se mnogu pogresni. Cesto imam reakcii od lugjeto sto baraat pomos od mene deka pristapile vaka ili onaka (kako sto procitale na internet) kon nekoe kuce i toa loso izreagiralo, gi napadnalo i sl. Samo zaradi veruvanje na neproverena informacija. Ete toa ne e vo red. A inaku sekoja cest na zelbata da se doblizat zivotnite kon lugjeto. Pozdrav do tebe.

Остави коментар