5 божиќни села кои треба да ги посетите ако верувате во бајки

Како мали, а можеби и сега, сигурно сте ги гледале познатите божиќни филмови и сте уживале во нивната атмосфера. Но, што ако можете да ги посетите таквите места во вистинскиот живот? Овие божиќни пазари се едни од најубавите и највеселите во светот. Ќе се чувствувате како да сте во вистинска божиќна бајка.

1. Божиќниот пазар во Виена, Австрија

5 божиќни села кои треба да ги посетите ако верувате во бајки

Секој Божиќ во Виена се одржува неверојатен божиќен пазар. Се пеат божиќни песни, можете да правите свеќи и колачиња, и има изобилство од прекрасна божиќна храна. Фестивалот трае од 17-ти ноември до 26-ти декември. Па, ако сакате нешто различно, посетете го овој неверојатен настан.

2. Божиќниот пазар во Фиренца, Италија

(2)bozhikjni-sela-koi-treba-da-gi-posetite-ako-veruvate-vo-bajki-kafepauza.mk

Овој пазар е само еден од многуте настани во Фиренца во оваа сезона. И овде можете да учествувате во секакви работилници, и не заборавајте да се стоплите со греено вино и да купите некој дрвен украс за вашата елка. Пазарот е отворен од 28-ми ноември до 17-ти декември. Улиците и плоштадите во Фиренца се украсени со прекрасни светилки, машни и лампиони, па подгответе се да направите неверојатни фотографии. Во срцето на градот се поставува огромна елка која сигурно ќе сакате да ја видите.

3. Селото на Дедо Мраз во Лапонија, Финска

(3)bozhikjni-sela-koi-treba-da-gi-posetite-ako-veruvate-vo-bajki-kafepauza.mk

Ова село можете да го посетите во текот на целата година. Во него има цел парк со моторни санки, како и фарма со елени и хаски. Не заборавајте да го посетите и светот на снешкото во кој има хотел со иглу, санкање и многу други работи. Можете да го посетите и замрзнатиот бар ако сакате некоја пијачка и да наздравите за совршениот празник.

4. Божиќниот пазар во Стразбур, Франција

IF

Овој пазар традиционално се одржува од 1570-та година. Ќе слушате црковни ѕвона кои го доловуваат божиќниот дух, а во воздухот се шири арома на сезонска храна. Не заборавајте да го пробате грееното вино и палачинките кои се заштитен знак на фестивалот. Пазарот е отворен од 24-ти ноември до 24-ти декември. Јадете, пијте и бидете среќни бидејќи таква е сезоната.

5. Божиќниот пазар во Денвер, Колорадо

Blick auf den 158. Erfurter Weihnachtsmarkt, aufgenommen am Montag (01.12...

Со многу жива музика и танцување, овој пазар сигурно ќе ве држи на нозе. Овде можете да пробате колачиња од ѓумбир, леб со марципан, германски леб со сирење, колбас направен на јаглен, греено зачинето вино и уште многу неверојатни деликатеси. Препорачливо е да отидете со полн паричник бидејќи има безброј тезги со прекрасни кристални украси, рачно изработени садови и уште многу дури работи. Пазарот е отворен од 17-ти ноември до 23-ти декември.

Погледнете ги и овие идеи за божиќно патување.

За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

  1. anastasija Reply

    Mnogu e ubavo ba se posetat mestata

Остави коментар