3 домашни рецепти за ефикасно и темелно пролетно чистење на вашите теписи

3 домашни рецепти за ефикасно и темелно пролетно чистење на вашите теписи

Постои едно непишано правило дека теписите се чистат пролетно време, па можеби тоа е и причината зошто луѓето постојано ја одржуваат оваа навика. Но, во текот на годината, на нив можат да се насоберат голем број нечистотии и бактерии, па доколку сакате темелно да ги исчистите, отстранувајќи ја целосно нечистотијата, дамките и непријатните мириси, тогаш погледнете ги овие 3 природни средства за чистење кои со сигурност можат да ви помогнат во вашата цел. Пред да почнете со чистењето, не заборавајте да ги поминете прво со правосмукалка.

3 домашни рецепти за ефикасно и темелно пролетно чистење на вашите теписи

1. Средство за длабинско перење теписи

Потребни состојки:
  • 100 грама сода бикарбона
  • 10 капки етерично масло од кедар
  • 10 капки етерично масло од лимета
Начин на подготовка:

Ставете ги сите состојки во една пластична кеса и оставете ги да стојат во неа еден ден. Пред да ја употребите оваа смеса, добро исчистете го со правосмукалка тепихот, а потоа сипете ја смесата, нанесете чиста вода и со четка тријте. Оставете го средството да делува половина час, а потоа повторно поминете со правосмукалка.

2. Средство за отстранување дамки од теписите

Потребни состојки:
  • 300 милилитри јаболков оцет
  • 700 милилитри сок од лимон
  • Половина литар вода
  • 1 лажица сода бикарбона
  • Неколку капки етерично масло од лаванда
Начин на подготовка:

Ставете ги сите состојки во еден сад и добро измешајте. Потопете ја четката за перење теписи во нив и потоа исчистете ги оние делови каде што има дамки. Имајте на ум дека сите состојки во смесата се природни, па тие нема да направат пена и токму затоа откако ќе завршите потребно е добро да ги исчистите овие делови со чиста вода и откако ќе се исушат да ги поминете со правосмукалка.

3. Средство за отстранување непријатни миризби од тепихот

Потребни состојки:
  • 2 лажици течен сапун
  • 40 милилитри алкохолен оцет
  • Половина литар топла вода
  • 1 лажица боракс
  • 6 капки етерично масло од лимон
  • 3 капки етерично масло од чајно дрво
Начин на подготовка:

Ставете ги сите состојки во стаклен сад и добро измешајте, а потоа сипете ги во шише со распрскувач (можете да го искористите она за чистење прозорци) и додајте вода. Добро протресете и испрскајте врз целата површина на тепихот, оставете 20 минути да делува и потоа поминете со правосмукалка.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар