Претходно
14 модерни работи кои постоеле долго пред нас
Малку е познат фактот дека некои „модерни“ пронајдоци постоеле пред стотици, па и илјадници години. Па, тврдењето дека нашите предци биле примитивни и не е баш точно. Погледнете ги овие изуми и пронајдоци кои се многу постари отколку што мислиме.
1. Протези и пластична хирургија, 3000-та година пред наша ера
Првите обиди за средување на физичките недостатоци датираат од најраната историја, и многу од нив биле успешни. Еден ваков артефакт е протетичкиот палец кој не само што го подобрувал изгледот на стапалото, туку бил и многу ефективен. Друг артефакт потекнува од древна Индија, околу 800-тата година пред нашата ера. Луѓето од овој период ја менувале формата на носот користејќи кожа од челото или образите.
2. Канализација, 2600-та година пред наша ера
Најстариот систем за канализација потекнува од цивилизацијата од Индиската долина. Во овој период постоеле јавни тоалети и градска канализација. Одводниот систем им бил познат и на луѓето во древен Вавилон, во некои кинески градови, како и во Рим. Канализацијата во Рим бил огромен инженерски проект познат како „Cloaca Maxima“, или Најголемата канализација, и постои до ден денес.
3. Батерии, 2500-та година пред наша ера
Багдадската батерија е керамички сад кој содржи бакарна цевка во која има железна прачка. Репликите на овие батерии успешно создаваат мала волтажа. Можеби на древните Вавилонци им бил познат методот на галванизација за кој се користеле овие садови, но некои скептици сметаат дека садовите биле користени за чување свитоци.
4. Огнено оружје, 420-та година пред наша ера
Прототипот за ова оружје прв пат бил употребен во битката на Делиум. Древното огнено оружје, или „Грчки оган“ се состоело од бакарна цевка преку која се исфрлала запалива течност.
5. Будилник, 400-та година пред наша ера
Грчкиот филозоф Платон користел воден часовник што емитувал звучен сигнал за да го потсети дека е време да почне со своите предавања. „Водните“ будилници биле користени и во древен Рим и во Средниот Исток. Механичките часовници кои можеле да емитуваат звук во одредено време прв пат се појавиле во Кина во 8-от век од нашата ера, а пристигнале во Европа во 14-от век.
6. Роботи, 323-та година пред наша ера
Прототипот на модерниот робот се женски фигури кои биле поставени на светилник на островот Фарос. Во одредени временски интервали, фигурите се вртеле и ги удирале ѕвоната. Навечер правеле гласни звуци за да ги предупредат морепловците за оддалеченоста на копното. Многу подоцна, во 17-от и 18-от век, машините наречени автоматони станале популарни во западна Европа. Тие биле со механизми на часовник и изгледале како луѓе или животни, и можеле да изведуваат разни работи.
7. Автоматски врати, 1-ви век
Во древна Грција биле познати автоматските врати кои биле поставувани на храмовите. Во тоа време вратите биле „управувани“ од најстариот прототип на парен мотор. Под олтарот се палел оган, под кој имало цевки со вода. Пареата активирала механизам кој бил поврзан со вратата. Овој метод создавал илузија на магија која била користена само од свештениците.
Продолжува на следната страница…
