Претходно
11 чудни работи кои ги прават само вистинските љубители на книги
Оние што обожаваат да читаат книги знаат што значи со часови да се изгубите во светот на книгата, да се поврзете со нејзините ликови и да заборавите на стресот предизвикан од секојдневниот живот. Но, исто така, вистинските љубители на книги честопати стекнуваат некои чудни навики поврзани со читањето. Како на пример, таа дека никогаш не може да имате премногу книги, па тие полека почнуваат да го зафаќаат целиот простор во вашата соба или стан, но вам не ви пречи и секогаш сте расположени да тркнете до блиската библиотека или книжара.
Од измислувањето изговори за да прочитате повеќе книги до вашето додевање за најновата книга што сте ја прочитале на секој кој ви обрнал внимание, нема сомнеж дека читателите имаат навистина откачени навики. Ако сте вистински љубител на книгите, сигурно ќе се пронајдете во следниве 11 чудни работи…
1. Сте го искривиле вратот за да видите што чита човекот до вас
Во автобус, во паркот, на плажа… Сите сме се истегнале малку повеќе отколку што треба за да видиме што чита човекот до нас.
2. Сте потрошиле повеќе пари отколку што сте имале на книги
Не знаете како, ама вашиот буџет значително се намалува секогаш кога ќе здогледате книжара. Секогаш.
3. Сте ги откажале сите планови за да читате книга
Слободно можете да признаете. Сите сме го направиле тоа.
4. Ликовите од книгите ментално сте ги сместувале во куќите на Хогвартс
Станува збор за најобична навика. Ништо страшно.
5. Сте ги мирисале книгите
Особено ако станува збор за нови книги!
6. Не сте можеле да одлучите која книга да ја понесете на одмор
Одморите служат за релаксација, а тоа значи многу слободно време за читање! Но, најмногу време губите на тоа да одлучите кои книги да ги земете и колку. Што ако веднаш ги прочитате сите книги, или што ако не ви се допадне некоја? На грижите им нема крај!
7. Го сфаќате лично фактот што некој не сака да чита
Како е тоа воопшто возможно?!
8. Сте почнале да читате книга пред да си легнете
Иако многу добро ви се познати последиците и знаете дека нема шанси да заспиете.
9. Сте го ѕирнале крајот на книгата
И сте виделе нешто што целосно ви го уништило впечатокот. Божем не знаевте дека ќе се случи ова…
10. Сте се чувствувале мамурни откако сте завршиле неверојатна книга
По секоја неверојатна книга што ќе ја прочитате се чувствувате празно бидејќи се прашувате што ќе правите потоа.
11. Сте се жалеле дека чантата ви е премногу тешка иако сте знаеле точно зошто е тоа така
Секогаш носите повеќе книги во чантата. За секој случај. Од каде да знаете кога ќе ви затреба некоја?!
