10 европски замоци во кои можете да престојувате

Ако сакате да се почувствувате како дел од кралско семејство додека сте на одмор, морате да ги имате предвид овие десет прекрасни европски замоци кои денес се пренаменети во хотели.

Торнбури, Англија

Изграден во десеттиот век, овој замок бил меѓу омилените престојувалишта на членовите на британското кралско семејство. Има 25 луксузни соби, ресторан и просторија за венчавки, а можете да отседнете во собата што некогаш ја користеле кралот Хенри VIII и Ен Болејн.

10 европски замоци во кои можете да престојувате

Абиглен, Ирска

Замокот е изграден во 1832, а во меѓувреме служел и како сиропиталиште. Во шеесеттите бил повторно отворен, овој пат како хотел. Таму најдобри се вторниците, кога менијата во ресторанот се напишани на галски јазик и се служат само традиционални ирски јадења, баш како во минатото.

10 европски замоци во кои можете да престојувате

Хорнберг, Германија

Овој витешки замок од единаесеттиот век е отворен од 1953 година. Нудат т.н. витешки оброк, односно храна за 20-120 луѓе според традиционални германски рецепти од средниот век, музика и жонглери. Фешта баш како од пред 500 години.

10 европски замоци во кои можете да престојувате

Кастел Брандо, Италија

Неверојатно е што овој 2000 години стар замок денес сè уште е во употреба. Покрај соби за престој во него има и музеј.

10 европски замоци во кои можете да престојувате

Ешфорд, Ирска

Овој замок датира од 1228 година, а во 1939 година бил претворен во хотел. Во него престојувале многу славни личности, како Бред Пит, Џон Ленон, Роналд Реган, Џорџ Харисон, Џон Вејн и други.

10 европски замоци во кои можете да престојувате

Парадор де Кардона, Шпанија

Преубав замок во близината на Барселона кој е изграден во осмиот век, а издржал и голем број војни. Ако престојувате таму, би било убаво да ја избегнете собата со број 712, затоа што се верува дека е опседната од духови.

10 европски замоци во кои можете да престојувате

Хазлвуд, Англија

Се претпоставува дека замокот Хазлвуд е изграден уште во единаесеттиот век. За време на владеењето на кралот Хенри VIII служел како прибежиште за гонетите католички свештеници, а од 1997 има својство на хотел. Меѓу другото, за време на престојот во замокот можете да земете и часови по готвење.

10 европски замоци во кои можете да престојувате

Шато де Кастел Новел, Франција

Овој замок се наоѓа во централниот дел на Франција. Датира од тринаесеттиот век, а во негова близина се достапни многу активности, како кајакарење, голф и риболов.

10 европски замоци во кои можете да престојувате

Кастело де Обидос, Португалија

Кастело де Обидос е изграден во дванаесеттиот век на западниот брег на Португалија. Гратчето Обидос е заштитен од УНЕСКО, а самиот замок е избран како едно од Седумте португалски чуда.

10 европски замоци во кои можете да престојувате

Гатри, Шкотска

Замокот Гатри е изграден во петнаесеттиот век како кула во која имало соби за живеење, а бил напуштен неколку години подоцна кога близу до него била изградена куќа. Веќе со векови двата објекти се поврзани и сочинуваат прекрасен замок. Интересно е тоа што за него се поврзува и приказна дека е опседнат од духови, но тоа не ги спречува гостите да престојуваат во него.

10 европски замоци во кои можете да престојувате

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Го интересираат општествените науки и сето она што ја истражува повеќедимензионалноста на светот и човековото однесување, но од тоа само правото му е професија. Вљубеник во филмот, фотографијата, читањето и сите спортови на овој свет. Пишувањето му е задоволство кое му овозможува да биде во контакт со нив секој ден.

Поврзани содржини

  1. Стоименов Reply

    А најубавите се секако цензурирани…

Остави коментар