Кафе пауза со две номинации за 2011

Почитувани читатели,

Имаме особена чест и задоволство да ви соопштиме дека ова беше една успешна година за порталот www.kafepauza.mk. Вложениот труд, креативноста, посветеноста и љубовта кон пишувањето, резултираа со одличен крај на овогодишното дружење. Со постоење од само година и четири месеци, пред сè благодарение на вашата поддршка, успеавме да прераснеме во еден од најдобрите македонски портали.Кафе пауза со две номинации за 2011Според гласовите на читателите, Кафе пауза се најде помеѓу петте финалисти во изборот за „Веб сајт на годината 2011“, во организација на „Media Solutions“, под покровителство на Претседателот на Република Македонија, Ѓорге Иванов и Словачката амбасада во Македонија. Номинацијата се однесуваше на категоријата „Најдобар забавен сајт“. Ви благодариме од сè срце за дадената поддршка.

Второто признание дојде од страна на хрватскиот избор за најдобри национални и регионални веб-сајтови за 2011 година „Vidi Web Top 100“ во организација на медиумската куќа „Vidi“. Овој избор се одржува по тринаесетти пат, а годинава од пријавени 2.700 сајтови, 1.739 беа номинирани во 11 категории. Кафе пауза беше номиниран во категоријата за најдобар веб-сајт на бившите југословенски простори помеѓу 73 сајта од регионот и успеа да влезе помеѓу десетте финалисти, бранејќи ја честа на македонските портали. Овој избор се базира врз одлуките на жири-комисија составена од 39 реномирани стручњаци и професионалци од 18 хрватски редакции и организации.

Им честитаме на сите победници на двата избори и им посакуваме сè најдобро во иднина. За нас ова преставува огромен успех и мотив да продолжиме со добрата работа. Се надеваме дека и во иднина ќе ви претставуваме одлично друштво за време на вашите кафе паузи.

Од срце,
Тимот на Кафе пауза

За авторот
Читај на раат!

Поврзани содржини

  1. Драгана Reply

    ви испратив неколку текстови, не добив одговор

    • Кафе пауза Reply

      Драгана, ова не е соодветното место за овој коментар, но секако ќе ти одговориме. Нашата форма „Предложи содржина“ е отворена за секој што има нешто да ни предложи или пак да ни испрати нешто свое. Начинот на праќање не е како класичен имејл, така што не треба да се очекува одговор.

      Текстовите кои ни стигнуваат внимателно се разгледуваат и потоа, зависно од тоа дали ги исполнуваат нашите критериуми, можат да бидат објавени за неколку дена, па и недели, со оглед на тоа дека секојдневно ни пристигнуваат навистина многу предлози.

      Доколку имаш дополнителни прашања во врска со ова, контактирај не по имејл.

  2. Смајли Reply

    Вие СТЕ најдобар сајт на годината, а не Фемина. Овде има паметни статии, инспиративни, астрологија, видеа, забава мода, а на Фемина само едно – трач парти 24/7. Е ај, да не не е така. Сепак мило ми е, иако според мене подобри од вас нема!

  3. Nina Reply

    честитки за заслужените признанија. ајде догодина уште подобар резултат =))

Остави коментар