Претходно
Легендарни ретро видео игри #1
Датум: 21 окт 2010
Коментари: 0
.
-
Prince of Persia
„Prince of Persia“ е дводимензионална видео игра која за прв пат се појави на 3 октомври 1989 година. Иако до сега излегоа далеку понапредни продолженија, сепак првото издание е вистинска класика. Како херој во играта треба да избегнувате смртоносни стапици, да мечувате со стражарите и да одгатнувате некои едноставни препреки.
Имате неограничен број на животи и доколку ја загубите енергијата, нивото го започнувате одново. Имате точно еден час за да ги поминете сите нивоа и да ја спасите принцезата од злобниот везир Џафар.
.
-
Prehistorik 2
„Prehistorik 2“ се појави во 1993 година. На оваа игра и претходеше „Prehistorik“ која беше доста интересна, но сепак второто продолжение доживеа многу поголем успех. Ликот кој ќе го управувате треба да се справи со дивите животни, притоа собирајќи храна, дијаманти и други предмети.
На крајот од секое ниво имате еден главен негативец, кој морате да го победите за да преминете на следното. Хумористична и многу забавна игра која морате да ја пробате.
.
-
Mortal Kombat
„Mortal Kombat“ е легендарна игра која за прв пат се појави на 8 октомври 1992 година. Тој што ја играл оваа игра тешко ќе ги заборави 10-те ликови, меѓу кои најпрепознатливи се Scorpion, Sub-Zero и Goro.
Во игра еден на еден, целта е да го победите противникот во две рунди. Секој од ликовите има посебно движење (Fatality) односно движење со кое треба да го докрајчи противникот во крвавата борба. „Mortal Kombat“ го промени светот на боречките видео игри засекогаш.
