Бесплатни мобилни апликации кои ќе ви помогнат во учењето

Дури и на најдобрите студенти некогаш им е потребна дополнителна помош. Бидејќи се ближи испитната сесија, ви претставуваме неколку бесплатни апликации кои сигурно ќе ви помогнат во учењето.

iStudiez Pro

(0) besplatni-aplikacii-koi-kje-vi-pomognat-vo-ucenjeto-kafepauza.mk

iStudiez Pro е едноставна апликација за Mac, iPad, iPhone и iPod Touch. Ви овозможува да правите распореди во различни бои и да зачувувате кратки информации. Исто така, можете да правите потсетници, а тука е и опцијата за добивање нотификации при наближување на крајниот рок за дадена задача. Ова е една од подобрите апликации од ваков тип, особено за оние помалку организираните.

Evernote

(1) besplatni-aplikacii-koi-kje-vi-pomognat-vo-ucenjeto-kafepauza.mk

Evernote е супер апликација, бидејќи може да ја користите на самите предавања за фаќање белешки и за запишување на потребните материјали за одреден испит. Можете да ја поврзете и со компјутерот дома, за подобар пристап до белешките. Исто така, ви овозможува да ги зачувате интересните статии и веб-страници и да ги отворате подоцна. Навистина корисно.

SimpleMind

(2) besplatni-aplikacii-koi-kje-vi-pomognat-vo-ucenjeto-kafepauza.mk

SimpleMind е апликација со која можете да правите мапи во вид на гроздови од некој концепт што го учите. Гроздовите можат да бидат во различни бои, според важноста, што ќе ви помогне полесно да го разберете и запомните материјалот.

Blackboard

(3) besplatni-aplikacii-koi-kje-vi-pomognat-vo-ucenjeto-kafepauza.mk

Blackboard е апликација за Android, Blackberry и Apple. Истата може да се користи само доколку е одобрена од универзитетот и доколку и вашите професори и колеги исто така сакаат да ја користат. Доколку тоа е така, ќе може да најдете информации за сите распореди, предмети, оценки кои се објавени од професорите на универзитетот.

Speed Reading Trainer

Секој студент чита по илјадници зборови дневно и проблемот е што поминува многу време додека да го издвои најважното. Speed Reading Trainer ви нуди избор од тестови за подобрување на вештините на читање и разбирање на еден текст.

Dropbox

(4) besplatni-aplikacii-koi-kje-vi-pomognat-vo-ucenjeto-kafepauza.mk

Dropbox е апликација што ви овозможува да имате пристап до преземените документи и информации во секое време. Истата може да се користи и на компјутер.

Flashcard +

(7) besplatni-aplikacii-koi-kje-vi-pomognat-vo-ucenjeto-kafepauza.mk

Flashcard + го враќа стариот метод на учење во модерното време. Можете да правите колку картончиња сакате за одредена лекција, и сето тоа бесплатно. Во апликацијата има и веќе направени модели, за тестирање на познавањето на главни градови на држави или математички факти. Навистина корисно.

Exam Countdown

Оваа апликација можеби не помага директно во учењето, но е одлична за мотивација. Со преземање на Exam Countdown, ќе се појави часовник, кој ќе ве потсетува колку денови, минути и секунди ви остануваат до денот на испитот. Дефинитивно нема подобра мотивација од ова.


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Дипломиран преведувач и толкувач. Непоправлив перфекционист. Љубопитна, интуитивна и насмеана. Ја сака уметноста и културниот живот. Идеалист. Верува во астрологија, убаво утринско кафе и позитивно размислување.

Поврзани содржини

Остави коментар