Кулинарски дуели на познатите личности во големото Веро шоу

Кулинарски дуели на познатите личности во големото Веро шоу

Познати личности од земјава ќе ги демонстрираат своите кулинарски вештини и ќе се натпреваруваат во готвење во големото тридневно Веро шоу кое ќе се одржува во петок, сабота и недела во Веро центар. Со спектакуларното шоу за готвење, Веро ја заокружува едномесечната голема прослава на 20-годишниот јубилеј, период во кој компанијата ги награди своите лојални потрошувачи со специјални најконкурентни цени на производи, примамливи акции и бројни изненадувања.

Кулинарски дуели на познатите личности во големото Веро шоу

Во Веро шоуто за готвење ќе учествуваат шест познати лица. Своите вештини во специјално изработената кујна поставена во Веро центар ќе ги покажат актерките Весна Петрушевска и Тања Кочовска, водителите Лила Стојановска и Жаре Бербер и музичарите Петар Младеновски од Суперхикс и Ѓоко Танески. Во секој од трите денови на шоуто ќе има двајца натпреварувачи кои ќе треба да приготват конкретен зададен рецепт со производи од Веро маркетот. Рецептот на денот ќе го предлагаат познатите ресторани „Пелистер“, „Томче Софка“ и „Барбакан“, а реномирани готвачи од овие ресторани ќе бидат дел и од стручното жири кое ќе ги оценува приготвените рецепти и ќе го прогласува победникот на денот.

Кулинарски дуели на познатите личности во големото Веро шоу

Секој што сака да биде дел од ова шоу за готвење и сака да го следи во живо може да дојде во Веро центар. На првиот ден од шоуто, во петок (6 октомври) од 17 до 19 часот, ќе се натпреваруваат Весна Петрушевска и Пеце од Суперхикс кои ќе готват рецепт предложен од ресторанот „Барбакан“. Вториот дуел ќе биде меѓу Лила Стојановска и Жаре Бербер во сабота (7 октомври) од 12 до 14 часот со рецепт на ресторанот „Пелистер“. На последниот ден во недела (8 октомври) ќе учествуваат Тања Кочовска и Ѓоко Танески кои од 12 до 14 часот ќе готват рецепт предложен од ресторанот „Томче Софка“. Веро шоуто за готвење ќе може да се следи и преку Фејсбук страницата на Веро каде ќе има неколку директни вклучувања.

Кулинарски дуели на познатите личности во големото Веро шоу

Веро годинава одбележува 20 години од отворањето на првиот маркет во земјава. Оттогаш до денес компанијата се профилираше во еден од најуспешните продажни синџири во трговијата на мало, со мрежа од 12 маркети во три градови во Македонија. Менаџментот на „Веро“ прославата на јубилејот ја посветува на своите лојални потрошувачи кои во голема мера се заслужни за успешното работење на компанијата во изминатите 20 години.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Читај на раат!

Поврзани содржини

Остави коментар