Претходно
Пауза за WC: апликација која ви најавува кога доаѓаат досадните сцени од филмот
Датум: 09 фев 2013
Коментари: 0
Некои од новите филмови кои моментално се прикажуваат во киносалите како што се „Хобит“, „Џанго Разузданиот“, „Животот на Пи“ или „Скајфол“ траат по повеќе од 2 часа, а тоа е преголемо искушение за мочниот меур после толку испиени сокови, вода и изедени пуканки.
Крај на овој проблем става новата мобилна апликација „RunPee“ која на корисниците им овозможува да истрчаат до тоалетот, токму во моментот кога настапува најнеинтересниот дел од филмот.
Освен тоа што оваа апликација идентификува сцени во траење од 3 до 5 минути, кои не се нешто многу интересни поради што можете безгрижно да тркнете до веце, истата и ви прераскажува што се случило на големото платно додека не сте биле во киносалата, во форма на кус синопсис.
За филмовите коишто траат 90 минути, имате една брза пауза, а за оние коишто траат преку 2 часа имате и до 3 паузи.
Апликацијата „RunPee“ е достапна за Епл, Андроид и Виндоус телефони, а чини 0,99 долари од официјалниот сајт.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
