Нема раце, па свири гитара со прстите од стапалата

Тони Мелендез можеби ја имал таа несреќа да се роди без раце, но тоа не го спречило да танцува, да излегува со девојки, да свири на гитара и да ужива максимално во животот кој му е подарен од Бога.

Тони бил роден во 1962 година во Ривас, Никарагва. Тој се родил без раце, како резултат на тоа што неговата мајка во текот на бременоста пиела препишан лек, Талидимид.

Денес, Тони е познат во светот бидејќи умее да свири гитара, користејќи ги неговите прсти од нозете.

Тој започнал да свири на гитара и да пее во 1985 година во Лос Анџелес. Само две години подоцна, на 15 септември 1987 година, Мелендез ја испеа песната „Never Be The Same“ во чест на папата Џон Пол Втори, пред 6000 луѓе во публика и милиони гледачи пред малите ТВ екрани. Видно трогнат, папата слезе од неговиот стол и го бакна Тони в образ. Папата му рече на Тони: „Ти си многу храбар млад човек. Мојата желба за тебе е да продолжиш да им даваш надеж на другите луѓе и да продолжиш да го правиш тоа што го правиш“.  Коментарот од папата го инспирирал Тони. Публиката исто така „збесна“, а Тони веднаш се здоби со публицитет после овој настап.

Од 2005 година до денес, Тони и неговиот бенд „Toe Jam“, имаат многу густ концертен распоред. За време на паузите меѓу песните, Тони влева надеж и борба кај неговите обожаватели преку неговите мотивациски зборови, а за таа цел има напишано и книга. Тој исто така е дел и од кампања против абортусот. Тони сега е познат пејач, текстописец, композитор и единствениот во светот, кој може да свири гитара без раце.Нема раце, па свири гитара со прстите од стапалатаПред да постане славен поради мелодичното мрдање на жиците од гитарата со неговите стапала, Тони имал неколку тешки моменти во неговиот љубовен живот додека бил тинејџер, кои морал да ги преброди.
.

Девојките најчесто ме сожалуваа, а потоа исчезнуваа од мојот живот. Не ги обвинувам. Кој би сакал да има момче без раце? Не е лесно да се биде тинејџер.

Отидов на првото танцување во мојот живот без партнерка. Додека се завртев, сфатив дека стојам сам зад ѕидот од спортската училишна сала. Се сеќавам дека се чувствував малку неудобно, прашувајќи се дали треба да прашам некој дали сака да танцуваме или дали некој евентуално ќе ми пријде и ќе ме покани на танц. Одненадеж една од девојките со која бевме заедно на предавањата по англиски јазик, дојде до мене, нетрпеливо ме погледна во очи и ми рече: „Ајде да одиме!“ Очигледно беше дека таа сакаше да танцуваме. Девојката немаше романтичен пристап кон мене, но неколку секунди потоа „растуравме“ на подиумот.

Мислам дека таа девојка никогаш нема да дознае колку ми беше значајна таа вечер. Многупати во мојот живот, ми пристапувале луѓе како неа, за да ми ја кажат или да ја направат исправната работа, токму во оној момент кога ми била најмногу потребна. Овие чувствителни луѓе се давачи на надежта. Тие се ретки, бидејќи можат да ги исклучат мозоците и да не мислат на нивните проблеми, доволно долго за да ја подадат нивната рака на некој друг кому му е потребна. Вие можете да ја направите промената!

Мелендез сега живее во Бренсон, Мисури, со неговата жена Лин.


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Љубопитна новинарка со истражувачки дух, во вечна потрага по доза креативност. Животно мото ѝ е дека без утринско кафе, без испеана песна и без малку возбуда не треба да ѝ помине ниту еден ден. Се релаксира со фина музика, длабок филм или прошетка во природа во добро друштво. Верува дека добриот совет и астрологијата ѝ помагаат да се разбере себеси и светот околу неа. Неостварен сон - да го прошета светот.

Поврзани содржини

Остави коментар