Зошто мажите се женат со кучки?

Зошто мажите се женат со кучки?

Да се пишува за врските и односите меѓу мажот и жената отсекогаш била интересна тема која никогаш не излегува од мода и секогаш може дополнително да се разработува. Дури уште во библијата се раскажува како Адам каснал од јаболкото само за да биде казнет исто колку и Ева (значи да се разбереме, ако ние јадеме од јаболкото има да јадете и вие), или како што рекла Ме Вест, „Кога жената ќе тргне по крив пат, мажот ја следи зад петици“.

Зошто мажите се женат со кучки?

На подот до мене стои „Зошто мажите се женат со кучки“, отворена до пола и свртена наопаку. Си велам, Шери Аргов не би требало да се буни што ѝ го „позајмив“ насловов, мислам дека сепак нема да си ги бара авторските права… Во секој случај, авторката прави доста добра поента со оваа книга, само што не сум сигурна дали на Балканот, со нашиот менталитет би можеле да ја „свариме“. Кучки. Што точно се мисли? Можеби сè што е спротивно од фина девојка која гледа на секој можен начин да му угоди на мажот, да се покаже дека е добра домаќинка, дека е супер во кревет, сè со цел тој што поскоро да клекне на коленици пред неа и да ѝ стави прстен на рака.

Иако балканското во некои од мажите кај нас не им дозволува да трагаат по независни жени, добар дел од припадниците на погрубиот пол бараат жена со самопочит, со свое мислење и став, способна да заработува и да се грижи за себе и да биде достојната половина од целината наречена брак. Тоа се оние добро воспитани момци кои ќе ја гледаат својата девојка или сопруга како рамноправна на нив, а не со цел да ја понижат при првата прилика. Повторувам, добар дел, не сите.

Јас бев ужасно запрепастена кога пред нецела година, млада девојка ми се исповеда зошто се одлучила да не работи. Нејзиниот дечко ѝ рекол дека нема шанси да ѝ дозволи да работи, „само кажи ми колку пари ти требаат“. Прво, да се задржиме на она „дозволи“. Рака на срце, јас ако од некого барам дозвола, тоа би бил татко ми. Е сега, да си горда на тоа што дечко ти ќе те издржува и еден ден в лице ќе ти плесне „затни ја муцката без мене не можеш ни пудра за лице да си купиш“, е твој избор и твоја одлука.

Настрана од конзервативните балкански алфа-мажјаци кои сакаат жени-безрбетници кои само ќе климаат со главата, на современите мажи не им треба некоја која ќе биде добра домаќинка, а за возврат ќе треба да ја финансираат и да се грижат за неа како за дете. Мажите често на самостојните и независни жени им го ставаат епитетот „кучка“, од проста причина што чувствуваат закана за нивното его и машкост. Токму во тоа е поентата (и на денешнава колумна, и на книгата), инаку што е за право, никоја од нас не би требало да се однесува како ладна и недопирлива кучка.

Сепак, мило ми е што модерното движење на светот придонесува за крајниот избор на многумина од мажите да бидат независни жени. Тоа значи дека полека но сигурно го оттргнуваме старомодниот систем „мажот е тој кој го носи лебот дома“. Епа драги мои, крајно време беше жените да ги земат работите во свои раце.

„Мажот не се жени со жена која го става на пиедестал. Тој сака жена што е рамноправна со него… посебна жена со која може да ги сподели сите најубави животни моменти“.

До следото читање,

Вашата Ели.

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Слободното време го минува со голема шолја кафе и со добра книга во рака или пишувајќи го она што ѝ лежи на душата. Не може да поднесе неправда и негува емпатија кон луѓето. Како перфекционист опседнат да даде сè од себе, сонува да направи промена во светот околу неа. Креативна и желна за нови предизвици, со многу нови соништа секој ден, иако понекогаш плашлива од промена. По малку романтична со голема љубов кон англиските книжевни класици.

Поврзани содржини

  1. Б.бббб Reply

    Може ли да ми кажете од кое издание е книгава и каде би можела да ја најдам? Благодарам.

    • Ели Радеска Reply

      Книгава е издадена од Матица, инаку лесно може да ја најдете во книжарниците. Поздрав.

  2. Aleksandar Milosevski Reply

    Izleguvanje od kutijata ne znaci deka nie mozi da gi izmislime zakonite na prirodata, Bog, silata ili kako i da go razbirate Tvorecot na istiteTie isti zakoni ne balkanski ne neadertalski i zastareni tuku prirodni i ja dale zadacata na zenata da ragja deca Da ragja deca mnozina povtoruvam so so prosta matematika na prirodata na opstanokot e 2 i povekjea toa na 3 deca zaedno so 9te meseci do nivni 4,5godini e period od nekoi 10 godini ili povekje vo koi zenata priodno da i gi posveti na porodot Ne na doktorati karieri finansiski i drugi totalno nebitni raboti kako i gradinki, guvernanti,babi komparirano so potrebata za majcino prisustvo i majcina ljubov

  3. Aleksandar Milosevski Reply

    Seto ova ne treba da se razberi kako zabrana ili deka finansiska zavisnost e povlastenost na mazot(toj sto go nosi lebot) zosto domasnata uloga na zenata e ista ako ne i pogolema, prifatena i kako profesija so zakon vo mnogu zapadni zemji
    I faktot deka zenata mora da raboti zosto primanjata na mazot ne se dovolni lezi vo faktot deka denesnite osnovni??? baranja se mnogu povisoki od onie vo minatoto koga zenata ne rabotela voopsto, a sepak se opstojuvalo.
    Nikoas ne sum mislel deka nezvisnite i samostojni zeni se kucki plasejki se od nivna dominacija I sekoas sum bil taa da bide dostojna na nejzinata polovina od celinata brak, no realnosta(statisticki) e poinakva i toa polovinta na mazot e svoj stan, rabota so dobra zarabotuvacka,kola… a zenskata e krpcinja,stilki ,sminki onie isti koristeni za zavedivanje ;).
    Od druga strana taa ista zenska nezavisnost i samostojnost(nashiroko promovirano i zgotvena od Holivudskata mashina na lazniot sjaj i snista kako vo Seksot i Gradot,Ochajni Domakjinki i slicni od tipot shopping i maski pastuv od shank po potreba) ja hrani Belata Chuma, 5 minutnite brakovi ili celosno odbegnuvanje na bracnite zaednici pod dejstvo na stravovite od “robovski” obvrski(gotvenje, perenje…) i silnite porodilni bolki.

Напиши одговор на Aleksandar Milosevski Откажи одговор