За љубителите на кафињата и чаевите: Комбинација што нема да ве остави рамнодушни

За љубителите на кафињата и чаевите: Комбинација што нема да ве остави рамнодушни

Чај и кафе во една шолја!

za-ljubitelite-na-kafinjata-i-chaevite-kombinacija-shto-nema-da-ve-ostavi-ramnodushni

Потребни состојки:
  • 10 грама свеж ѓумбир
  • 1 стапче цимет
  • 10 каранфилчиња
  • 1/4 лажичка изрендано морско оревче
  • 10 парчиња зелен кардамом
  • 2 кесички црн чај
  • 1 литар вода
  • 60 милилитри свежо подготвено црно кафе
  • 200 милилитри млеко од соја
Начин на подготовка:

Наполнете едно тенџере со средна големина со 1 литар вода. Исечкајте го ѓумбирот на парчиња и ставете ги во тенџерето заедно со стапчето цимет, каранфилите, морското оревче, кардамомот и црниот чај.

Покријте го тенџерето со капак и оставете го на оган додека не се зоврие, па оставете го така уште 10 минути за вкусовите подобро да се комбинираат.

Исцедете го чајот во шолја, а тоа што ќе ви остане можете да го чувате во фрижидер до една недела. Само стоплете го одново и уживајте во вкусот.

Следен чекор е комбинацијата со кафето. Најпрво загрејте го млекото со постојано мешање за да не ви загори. Откако ќе го стоплите, додајте го млекото во чајот, па веднаш по него и свежо подготвеното кафе.

За декорација, можете да ставите малку шлаг и изрендан цимет. Уживајте!


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар