Предвидете ги временските услови со вашата шолја кафе

Доколку сакате да дознаете какво време ќе ве очекува во текот на денот, а притоа не сте во можност да ја погледнете временската прогноза, можете да погледнете во вашата шолја со кафе и да го следите движењето на меурчињата на површината на кафето. Како што пренесува сајтот „Life Hacker“, ваквата техника на предвидување на времето, честопати ја користат планинарите.

Предвидете ги временските услови со вашата шолја кафе

Направете си го вашето кафе, ставете млеко и шеќер доколку тоа секогаш го правите и промешајте, со цел да се создадат меурчиња. Доколку не пиете кафе, трикот ќе функционира и со шолја топол чај или какао.

Доколку меурчињата брзо се „разбегаат“ спрема работ на шолјата, тоа е добар знак, односно значи дека чисто небо и добро време нѐ очекува во текот на наредните 12 часа.

Предвидете ги временските услови со вашата шолја кафе

Доколку меурите подолго се задржат во средината на шолјата, може да се очекува дожд во наредните 12 часа. Доколку меурите бавно се движат кон работ на шолјата, може да се очекува променливо време, но би требало да се стабилизира во наредните неколку часа.

Теоријата која стои зад овој трик, се објаснува на тој начин што доколку притисокот на воздухот е висок, тој ќе ги истурка меурчињата кон аглите на шолјата, а високиот притисок индицира топло и мирно време. Нискиот воздушен притисок кој обично носи немирно време, нема да ги помести меурчињата.

Овој трик е познат уште многу одамна, кога бил објавен во „Backpacker Magazine“. Па доколку планирате од одите некаде надвор на кампување, каде што нема да имате пристап до интернет конекција за да ги проверите временските услови, пробајте го триков и кажете ни дали ви бил од корист.

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Љубопитна новинарка со истражувачки дух, во вечна потрага по доза креативност. Животно мото ѝ е дека без утринско кафе, без испеана песна и без малку возбуда не треба да ѝ помине ниту еден ден. Се релаксира со фина музика, длабок филм или прошетка во природа во добро друштво. Верува дека добриот совет и астрологијата ѝ помагаат да се разбере себеси и светот околу неа. Неостварен сон - да го прошета светот.

Поврзани содржини

Остави коментар