Кафе, текила и тиква – комбинација која изненадува

Прекрасна комбинација на кафе и алкохол збогатена со арома на тиква

Кафе, текила и тиква - комбинација која изненадува

Веќе е познато дека комбинацијата на кафе и алкохол е секогаш добитна, но кога ќе додадеме и некој неочекуван вкус тогаш навистина имаме коктел за паметење. Овој пат тајната состојка е сирупот од тиква кој му дава богат вкус на самиот коктел и со сигурност ќе ги воодушеви вашите пријатели. Едноставно, мора да го пробате!

Потребни состојки за 2 кафиња:
  • 2 супени лажици шеќер
  • 2 супени лажици сируп од тиква
  • 1 супена лажица екстракт од ванила
  • 1 кафена лажичка цимет
  • 1/2 кафена лажичка зачин од тиква
  • 60 мл текила
  • 125 мл шлаг
  • 360 мл топло кафе
Начин на подготовка:

Во голема шолја ставете ги прво екстрактот од ванила, сирупот и зачинот од тиква, шеќерот и шлагот и добро измешајте ги. Потоа додадете ги кафето и текилата и повторно добро измешајте. На крајот можете да декорирате со шлаг пена и да го посипете циметот за екстра арома.

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Од кога паметам вљубена сум во играта на зборовите и за мене нема поинтимен момент од оној кога сум сама со мислите пред празен лист хартија. Го ценам друштвото на убава книга, квалитетна музика и шолја турско кафе. Сакам стари предмети и ретро фотографии, особено оние кои со себе носат приказна. Дипломиран економист кој студиите ги преживеа благодарение на зависноста од чоколадо.

Поврзани содржини

Остави коментар