Замената (The Change-Up)

Филм за тоа колку често посакуваме да живееме нечиј друг живот, а притоа не сме ни свесни дека и покрај сите плусови и минуси, најубаво ни е во сопствената кожа

Замената (The Change-Up)Режија: Дејвид Добкин

Улоги: Џејсон Бејтман, Рајан Рејнолдс, Лесли Ханд, Оливија Вајлд

Времетраење: 112 минути

Јазик: англиски

Премиера: 5 август 2011

Жанр: комедија

Наша оценка: 5/10

Ваша оценка: 1 ѕвезда2 ѕвезди3 ѕвезди4 ѕвезди5 ѕвезди6 ѕвезди7 ѕвезди8 ѕвезди9 ѕвезди10 ѕвезди (35 гласа, просек: 8.69 од 10)

Loading...Loading...

————————————————————————————————————————————————-
Дојден е крајот на една филмска ера и тоа сигурно многу одамна ама не сме ни забележале. Зборувам за времето кога гледавме „Монти Пајтон“, комедии од Вуди Ален или пак во нашите екс-ЈУ простори, „Топ листа надреалиста“ и мислевме дека тој интелигентен, критички хумор е нешто сосема вообичаено.

Иако логично е да се претпостави дека работите со тек на времето треба да одат напред наместо наназад, реалната ситуација зборува нешто поинакво. Сега имаме илјадници комедии кои се базираат на неуспешен секс, голема и мала нужда, срамни влакна и што ли уште не.

Искрено не знам зошто токму комедијата „Замената“ го заслужи мојот гнев, но сторијата досега преџвакана многу пати и не многу инвентивните шеги, сигурно си го направија своето. Не сакам да звучам песимистички, уште утре може да нè изненади нешто тотално оригинално и тоа не мора да биде ново уметничко ремек дело. Дадете ни барем некои нови „Ејс Вентура“ или „Глупав и поглупав“.

Минатата недела беше еден од трите викенд-предлози. Овој пат, навлегуваме во деталите…
————————————————————————————————————————————————-

Содржина: Мич и Дејв се најдобри пријатели уште од деца, но денес имаат сосема различни животи. Мич не работи и сè уште живее како тинејџер, по цели денови пуши марихуана и ужива. Дејв пак, иако е успешен адвокат, комплетно е растргнат помеѓу работата и обврските дома (има три мали деца и сопруга). Една ноќ тие излегуваат во бар, се опијануваат, мочаат во една фонтана, по што секој од нив се буди во телото на пријателот. Мич е во телото на Дејв, а Дејв е во телото на Мич.

Ако ви звучи познато – да, има огромен број филмови со оваа тематика, но мене последен што ми текнува со речиси идентична содржина е „Откачениот петок“ со Џејми Ли Кертис и Линдзи Лохан. Како што може да се очекува, остатокот од филмот е трка да се разреши ситуацијата што е можно побрзо, доаѓање до чудни сознанија за себе, како и за туѓиот живот и слични, повеќе или помалку, предвидливи моменти.Замената (The Change-Up)Замената (The Change-Up)Главните актери во филмов, Бејтман и Рејнолдс добро си ја тераат нивната работа и доволно нè забавуваат нас гледачите, но не оставаат особен впечаток со нивните улоги. За тоа се можеби виновни сценаристите Џон Лукас и Скот Мур, кои стојат и зад „Мамурлак“, која пак, слободно можеме да кажеме дека е една од (ретките) попристојни комедии во последниве неколку години. Во споредба со овој филм, „Замената“ не е нешто особено смешен и нема некоја креативна замисла, но е доволно забавен за да ви ја разведри оваа петочна вечер.Замената (The Change-Up)Кога и како да го гледате: Во зависност од вашиот карактер и ставот околу елементите кои редовно се употребуваат во современите комедии за да го направат еден филм смешен, оваа може да ви биде прилично интересна и комична или да ве остави тотално разочарани, поради „веќе виденото“ сценарио. Останува на вас да го изгледате вечерва и потоа да го споделите со нас вашето мислење.

Исто така, не заборавајте да појдете и на фестивалот на европски филм „Синедејс“ (PDF) и да погледнете некое добро филмче
Замената (The Change-Up)

———————————————————————————————————————————————————————

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук

За авторот

Поврзани содржини

  1. А. Стоименов Reply

    Го гледав пред недела дена, одлична комедија која ќе ве научи на повеќе работи. Топло ви ја препорачувам. :)

Остави коментар