Претходно
ТВ серија: Тајни и лаги (Secrets and Lies)
Дали тој е навистина убиецот или не?
Главни улоги: Рајан Филип, Џулиет Луис, Кади Стрикланд
Жанр: криминал, драма
Креатор: Барби Клајгман
Премиера: 8 март 2015
Број на сезони: 1
Времетраење: 43 минути
Јазик: англиски
Наша оценка: 8/10
Ваша оценка: 
(7 гласа, просек: 8,86 од 10)
Loading...
Станува збор за ТВ серија во која убиството на едно младо момче ќе донесе проблеми на семејство кое веќе има потешкотии, но исто така и ќе претвори идилично општество во сомнителна толпа. Соседите ќе се свртат едни кон други, барајќи некој да плати за животот на младото момче, без притоа да ги интересира дали тоа е навистина виновникот или не. Животот во оваа приградска населба ќе биде дополнително отежнат и од студената немилосрдност на една опсесивна детективка.
Сопругот и татко, Бен Крафорд (Рајан Филип), ќе го открие телото на младо момче додека џогира и тоа ќе биде една од причините зошто тој ќе стане примарниот осомничен. Бидејќи ќе почувствува дека сите се вртат против него, тој нема да има друг избор освен сам да спроведе истрага со цел да го најде вистинскиот убиец. Целата оваа ситуација влијае негативно врз неговиот брак, деца, репутација, но најмногу од сè и врз неговиот ум.
Не можеме да кажеме дека станува збор за оригинална приказна која никогаш досега не била видена, но тоа не значи дека нема детали кои ја прават вредна за гледање. Токму затоа доколку сте расположени за малку мистерија, опколена со многу лаги и тајни, оваа ТВ серија би можела да биде добар начин на кој ќе го поминете вашето слободно време.
