Претходно
Комедии кои со нетрпение ги очекуваме до крајот на 2014
До крајот на годинава нè очекуваат неколку одлични комедии и многу, многу смеење…
1. Глуп и поглуп 2 (Dumb and Dumber To)
Главни улоги: Џим Кери, Џеф Даниелс, Лори Холден
Премиера: 14 ноември 2014
Кратка содржина: Продолжението кое се очекуваше цели 20 години носи авантура на Лојд и Хари. Овој пат тие се во потрага по ќерката на Хари, а Лојд повторно ќе се вљуби.
2. Ноќ во музејот: тајната на надгробниот споменик (Night at the Museum: Secret of the Tomb)
Главни улоги: Робин Вилијамс, Бен Стилер, Овен Вилсон
Премиера: 19 декември 2014
Кратка содржина: Магична приказна за јунак кој тргнува во поход за спас на магијата пред да ја снема од овој свет. Ова е последниот филм во кој Робин Вилијамс се појавува како актер.
3. Ужасни шефови 2 (Horrible Bosses 2)
Главни улоги: Џејсон Судејкис, Џејсон Бејтман, Кевин Спејси, Џенифер Анистон
Премиера: 26 ноември 2014
Кратка содржина: Дејл, Курт и Ник овој пат решаваат да бидат сами свои шефови и основаат свој бизнис, но за сето тоа да успее набргу ќе се појави потреба да киднапираат некого.
4. Поручник Винсент (St. Vincent)
Главни улоги: Бил Мaреј, Џејден Либерер, Наоми Вaтс, Мелиса МекКарти
Премиера: 24 октомври 2014
Кратка содржина: Поручникот Винсент е воен ветеран и алкохоличар кој ќе биде ангажиран од својата сосетка – самохрана мајка, да го надгледува нејзиниот 12-годишен син. Стариот поручник смета дека вонучилишните активности треба да вклучуваат посета на стриптиз клубови и коњски трки.
5. Александар и грозниот, ужасен, лош, многу лош ден (Alexander and the Terrible, Horrible, No Good, Very Bad Day)
Главни улоги: Ед Оксенболд, Стив Карел, Џенифер Гарнер
Премиера: 10 октомври 2014
Кратка содржина: Александер е 11-годишно момче кое се буди со гума за џвакање во косата, а тоа е само почетокот на најлошиот ден во неговиот живот. Наскоро почнува да открива дека и оние околу него си поминуваат со доста проблеми.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
