Филм: Војна за планетата на мајмуните (War for the Planet of the Apes)

Филм: Војна за планетата на мајмуните (War for the Planet of the Apes)

Откако мајмуните доживуваат големи загуби, Цезар се бори со својот темен инстинкт и почнува сопствена мисија за да го одмазди својот вид

(1) film-vojna-za-planetata-na-majmunite-war-for-the-planet-of-the-apes-www.kafepauza.mkРежија: Мет Ривс

Улоги: Енди Серкис, Вуди Харлсон, Стив Зан

Времетраење: 140 минути

Премиера: 13 јули 2017

Јазик: англиски

Жанр: акција, авантура, драма

Наша оценка: 9/10

Ваша оценка: 1 ѕвезда2 ѕвезди3 ѕвезди4 ѕвезди5 ѕвезди6 ѕвезди7 ѕвезди8 ѕвезди9 ѕвезди10 ѕвезди (4 гласа, просек: 9,25 од 10)
Loading...

 

Ако им верувате на филмските критичари, тогаш овој филм е можеби најдобриот за 2017 година. Всушност, тие се толку фасцинирани од него што предвидуваат дека ќе биде номиниран за Оскар. И публиката се согласува со ова, исто како и ние, што е сосема разбирливо, бидејќи како трето продолжение од неверојатно успешна франшиза, овој дел е можеби и најдобриот досега, а со тоа ќе се сложат сите вистински фанови. Но што е толку привлечно во оваа приказна?

(3) film-vojna-za-planetata-na-majmunite-war-for-the-planet-of-the-apes-www.kafepauza.mk

Се сеќавате на изјавата „мајмун не убива мајмун“? Тоа е политичката и моралната основа на цивилизацијата на мајмуните, спроведена од страна на Цезар, нивниот лидер. Фактот што луѓето уживаат во уништувањето на сопствениот вид е вознемирувачко, и тоа може најдобро да се почувствува така што ќе се ставите во кожата на мајмуните во овој филм, а на тој начин и ќе се свртите против сопствената раса – да, тоа е поддржување на идејата за сопственото изумирање, но и покрај тоа што е застрашувачка, ни доаѓа како олеснување. Ако ништо друго, барем планетава конечно ќе може да се одмори. Можете ли да ја почувствувате моќта на оваа лекција?

(4) film-vojna-za-planetata-na-majmunite-war-for-the-planet-of-the-apes-www.kafepauza.mk

Имајќи го ова на ум, главната приказна малку наликува на онаа во филмот Логан – имаме херој што е воден од своето чувство за правда, немо девојче што мора да го заштити и бавно развивање на настаните што ќе го тестира вашето трпение. Но начинот на кој филмот полека нè внесува во својот свет, преку деталните описи на карактерите и богатата приказна, се чувствува како еден вид уметност што ќе ги фасцинира дури и најстудените љубители на филмови. Накратко, филмот ги заслужува највисоките оцени, а мора да го погледнете и самите за да сфатите зошто сите го велат тоа.

(5) film-vojna-za-planetata-na-majmunite-war-for-the-planet-of-the-apes-www.kafepauza.mk


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар