Филм: Сан Андреас (San Andreas)

По застрашувачки земјотрес во Калифорнија, еден пилот на хеликоптер заедно со својата бивша сопруга тргнуваат во потрага по нивната ќерка

Филм: Сан Андреас (San Andreas)Режија: Бред Пејтон

Улоги: Двејн Џонсон, Карла Гугино, Александра Дадарио

Времетраење: 114 минути

Јазик: англиски

Премиера: 29 мај 2015

Жанр: акција, драма, трилер

Наша оценка: 9/10

Ваша оценка: 1 ѕвезда2 ѕвезди3 ѕвезди4 ѕвезди5 ѕвезди6 ѕвезди7 ѕвезди8 ѕвезди9 ѕвезди10 ѕвезди (7 гласа, просек: 7.43 од 10)

Loading...Loading...

Интересно е колку многу се луѓето фасцинирани од уништувањето на планетата. Особено ако тоа доаѓа природно. Токму затоа и воопшто не изненадува фактот што дел од најпопуларните филмови вклучуваат масовно уништување и соочување со апокалиптични сценарија од библиски пропорции. Токму овој филм е еден од тие. Станува збор за брза акција, каде што во секој момент нова опасност излегува од зад следниот агол и води чекор понапред кон безнадежност за спас. Но, тоа веднаш се менува кога главните ликови, поточно херои, носат бестрашни и храбри одлуки кои им даваат барем уште една шанса за преживување.

(1) Филм: Сан Андреас (San Andreas) (2) Филм: Сан Андреас (San Andreas)

Бидејќи филмот се врти околу ликот кој го толкува Двејн Џонсон, веднаш можете да претпоставите дека станува збор за одличен филм. Тој навистина знае да направи добар избор кога одбира филмови. Приказната започнува со еден од најголемите и најзастрашувачките земјотреси со кои Калифорнија, па и светот некогаш се соочил. Самиот земјотрес предизвикал огромна штета, но проблемите не завршуваат таму. По него следат голем број помали земјотреси, повторно со застрашувачка моќ, како и други проблеми кои дополнително ја влошуваат ситуацијата, доведувајќи ги жителите на оваа област во смртоносна позиција. Со неколку зборови, филмот е толку брз и динамичен, што воопшто нема ни да забележите кога ќе помине.

(3) Филм: Сан Андреас (San Andreas) (4) Филм: Сан Андреас (San Andreas)

За авторот
Дипломиран психолог кој обожава да пишува. Отсекогаш многу ја интересирала астрономијата и физиката, а животно мото ѝ е дека не смее да помине ни еден ден без танцување. Автор на книгата „На работ од времето“, првиот дел од трилогијата „Наследството на Вероника“.

Поврзани содржини

Остави коментар