Филм: Кон-Тики (Kon-Tiki)

Филм: Кон-Тики (Kon-Tiki)

Таму каде што сите гледаат бариери, некој гледа мост што ги поврзува световите

Филм: Кон-Тики (Kon-Tiki)Режија: Јоахим Ронинг, Еспен Сандберг

Улоги: Пол Свере Валхејм Хаген, Андерс Басмо Кристијансен, Густав Скарсгорд

Времетраење: 118 минути

Јазик: норвешки

Премиера: 24 август 2012 (Европа)

Жанр: авантура, акција, биографија

Наша оценка: 8/10

Ваша оценка: 1 ѕвезда2 ѕвезди3 ѕвезди4 ѕвезди5 ѕвезди6 ѕвезди7 ѕвезди8 ѕвезди9 ѕвезди10 ѕвезди (8 гласа, просек: 9,13 од 10)
Loading...

Скандинавската филмска продукција секогаш знаела да протне силни универзални пораки низ добро смислени приказни, но онаа за Кон-Тики, колку и да звучи неверојатно, не е измислена. Таа навистина се случила во 1947 година кога Тор Хејердал, најголемиот норвешки етнограф и авантурист на дваесеттиот век со сплав го препливал Пацификот за да докаже дека народите на Полинезија таму се доселиле од Јужна Америка.Филм: Кон-Тики (Kon-Tiki)Во филмот Тор (Пол Свере Валхејм Хаген) е опишан како харизматичен, смел и смирен лидер и човек кој цврсто стои зад своите убедувања. Кога неговата теорија ќе ја стави на хартија и ќе ја понуди на издавачите, наидува на потсмев кај крутата научна јавност. Никој не може да поверува дека примитивните народи само со сплав ја поминале најголемата бариера на светот и се доселиле во нивниот денешен дом. Само Тор Хејердал во таа бариера гледа мост кој ги поврзува двата света и затоа ќе собере храбар екипаж со кој ќе се обиде да го повтори истиот подвиг и да докаже дека тоа што го зборува е вистина. Сплавот Кон-Тики ќе го изградат од истите материјали и технологија како оној од пред многу векови и набргу ќе тргнат на пат преку Пацификот долг 5.000 милји.Филм: Кон-Тики (Kon-Tiki)Авантурата на Тор и неговиот екипаж е пат кон непознатото кој содржи и подеми и падови. Големите очекувања ќе бидат разнишувани од сомнежот во сопствените шанси за успех, а потоа ќе бараат начин да ја вратат храброста кај себе. Во таквата ситуација храбриот водач и неговата неверојатно силна волја ќе бидат клучен фактор кој ќе решава за конечниот исход на подвигот. Тие моменти се реално прикажани, според настаните кои навистина се случиле и веројатно затоа ја немаат вообичаената интензивна драматичност каква што често гледаме во подобрите холивудски блокбастери. Подвигот на Тор и неговите луѓе е раскажан баш онака како што се случил, без додавање и одземање на настани кои би придонеле за напнатост во дејството. Тензијата во овој филм е затскриена под површината и се чувствува дури кога целосно ќе се внесете во филмот.Филм: Кон-Тики (Kon-Tiki)Затоа Кон-Тики може лесно да го задржи вашето внимание од почеток до крај. Не можете, а да не посакувате харизматичниот Тор Хејердал и неговите сопатници да докажат дека границата може да биде и мост. Тоа е извонредно дело, а доби и номинација за Оскар во категоријата филмови од неанглиско говорно подрачје. Кон-Тики е поим за филм од жанрот авантура. Ретко излегуваат вакви филмови и ако сте фан на овој жанр, тој за вас ќе биде големо уживање.Филм: Кон-Тики (Kon-Tiki)


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Го интересираат општествените науки и сето она што ја истражува повеќедимензионалноста на светот и човековото однесување, но од тоа само правото му е професија. Вљубеник во филмот, фотографијата, читањето и сите спортови на овој свет. Пишувањето му е задоволство кое му овозможува да биде во контакт со нив секој ден.

Поврзани содржини

Остави коментар