Филм: Ѕвездени патеки во мрак (Star Trek Into Darkness)

Возбудлива авантура некаде длабоко во вселената

Филм: Ѕвездени патеки во мрак (Star Trek Into Darkness)Режија: Џеј Џеј Абрамс

Улоги: Крис Пајн, Закари Квинто, Зои Салдана, Бенедикт Камбербач

Времетраење: 132 минути

Јазик: англиски

Премиера: 16 мај 2013

Жанр: акција, научна фантастика, авантура

Наша оценка: 10/10

Ваша оценка: 1 ѕвезда2 ѕвезди3 ѕвезди4 ѕвезди5 ѕвезди6 ѕвезди7 ѕвезди8 ѕвезди9 ѕвезди10 ѕвезди (13 гласа, просек: 8.62 од 10)

Loading...Loading...

Ѕвездени патеки во мрак (Star Trek Into Darkness) е продолжение на филмот „Ѕвездени патеки“ (Star Trek) кој првпат беше прикажан пред 4 години. Слично како и првиот дел, ниту овој нема многу врска со оригиналната култна телевизиска серија. Нема повторување на настаните од неа, туку само црпи инспирација оттаму. Фановите на серијата се разочарани од овој филм, а оние кои не можеле да ја поднесат се воодушевени. На крајот на краиштата, се работи за извонредна научно-фантастична акција со добра приказна и брилијантни визуелни ефекти чија цел е да му дадат возбудливо искуство на гледачот и целосно успеваат во тоа.Филм: Ѕвездени патеки во мрак (Star Trek Into Darkness)Акцијата започнува таму каде што заврши во првиот дел. Џим Кирк (Крис Пајн) е капетан на УСС Ентерпрајз и го губи бродот поради сопствената недисциплина. Капетанот Кристофер Пајк (Брус Гринвуд) го презема, но набргу ќе биде убиен од одметник од Ѕвездената флота, агентот Џон Харисон (Бенедикт Камбербач). Веднаш по терористичкиот акт Харисон побегнува на Кронос, земјата на Клингонците.Филм: Ѕвездени патеки во мрак (Star Trek Into Darkness)Адмиралот Александер Маркус (Питер Велер) му го враќа УСС Ентерпрајз на Кирк и веднаш го праќа во потера по него. Му наредува да го убие веднаш штом го здогледа, заради што го наоружува со исклучително моќни торпеда. Иако одметникот е лоциран, предизвикот за Кирк и неговиот екипаж е многу голем. Тие треба да го елиминираат Харисон на клингонска територија, но Клингонците се во затегнати односи со Земјаните и евентуална грешка може да доведе до општа војна во вселената.Филм: Ѕвездени патеки во мрак (Star Trek Into Darkness) Ова е високобуџетен блокбастер. Спастрен е како што се очекува од еден таков проект, од солидна приказна, неизвесност, пресврти, акција па сè до кинематографија, костимографија, глума, музика и сè останато. А, особено брилираат визуелните ефекти. Вселената е прекрасно место да се одвива едно филмско дејство кога визуелните ефекти се како во „Ѕвездени патеки во мрак“. Ако го гледате во 3Д, кино салата може да ви изгледа мала откако пред тоа ќе го почувствувате бескрајниот отворен простор. Олку живописно патување во длабочините на вселената, искусувајќи ги сите нејзини темни нијанси додека траат беспрекорно изведените битки, досега не сме виделе на филм.Филм: Ѕвездени патеки во мрак (Star Trek Into Darkness) Филм: Ѕвездени патеки во мрак (Star Trek Into Darkness)Ако имате можност да го гледате во 3Д техника, задолжително искористете ја. Тоа ќе бидат одлично потрошени пари. Во спротивно, почекајте снимка со добра резолуција која ќе ви ја долови авантурата во вистинско светло. Потрудете се да си обезбедите што подобри услови за гледање, затоа што ова е еден од оние филмови кои ви се потребни кога ви се гледа добар авантуристички филм полн со акција кој потоа ќе им го препорачувате и на другите да го гледаат.Филм: Ѕвездени патеки во мрак (Star Trek Into Darkness)


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Го интересираат општествените науки и сето она што ја истражува повеќедимензионалноста на светот и човековото однесување, но од тоа само правото му е професија. Вљубеник во филмот, фотографијата, читањето и сите спортови на овој свет. Пишувањето му е задоволство кое му овозможува да биде во контакт со нив секој ден.

Поврзани содржини

Остави коментар