Филм: Чувари на галаксијата 2 (Guardians of the Galaxy Vol. 2)

Незаборавните чувари мора повторно да ја спасат галаксијата!

(1) film-chuvari-na-galaksijata-2-guardians-of-the-galaxy-vol-2-www.kafepauza.mkРежија: Џејмс Ган

Улоги: Крис Прет, Вин Дизел, Бредли Купер, Зои Салдана, Дејв Баутиста

Времетраење: 136 минути

Премиера: 5 мај 2017

Јазик: англиски

Жанр: акција, авантура, научна фантастика

Наша оценка: 10/10

Ваша оценка: 1 ѕвезда2 ѕвезди3 ѕвезди4 ѕвезди5 ѕвезди6 ѕвезди7 ѕвезди8 ѕвезди9 ѕвезди10 ѕвезди (5 гласа, просек: 9.80 од 10)

Loading...Loading...

 

Ретко се случува продолжението да е подобро од оригиналниот филм, но слободно можам да кажам дека ова е случајот со Чувари на галаксијата 2! Започнувајќи од визуелните ефекти и перформансот на актерите, кои овој пат се многу подобро навлезени во своите улоги, па сѐ до костимографијата, сценографијата и добро познатите хумористични аспекти на дијалозите – овој филм ќе ве држи на работ на столицата додека истовремено и ќе ве смее до солзи. Изгледа сценаристите и режисерите научиле нешто од реакциите на првиот филм и сите оние работи што не ни се допаднаа – целосно се исфрлени, додека оние добрите и незаборавните, се добро обработени и вратени назад во поголемо количество од претходно, заедно со некои новитети што не би можеле да успеат никаде освен во овој филм.

(2) film-chuvari-na-galaksijata-2-guardians-of-the-galaxy-vol-2-www.kafepauza.mk (5) film-chuvari-na-galaksijata-2-guardians-of-the-galaxy-vol-2-www.kafepauza.mk

Нема сомнеж дека ѕвездата на филмот е бебето Грут, кое ѝ дава посебно освежување на приказната, како и уникатна жичка што не може да помине незабележана. Ако мислевте дека постариот Грут е незаменлив, тогаш подгответе се за неговата бебешка верзија – тој со само една сцена (во овој случај првата), ќе најде пат до вашето срце и ќе ве натера да го засакате толку многу, што ќе посакате да го чувате близу до вас и секојдневно да се грижите за него. Мора да се нагласи и урнебесното и заразното смеење на Дракс, што преовладува низ голем број сцени во филмот, што ќе ви ја направи секоја ситуација позабавна и понезаборавна. На истата страница се наоѓа и откривањето на емоционалната страна на Рокет, што ќе ни помогне многу подобро да го разбереме овој лик и да сочувствуваме со него. И секако, не смее да се изостави хемијата меѓу Питер и Гамора, што ќе ви ја разбуди страста во вашето срце.

(3) film-chuvari-na-galaksijata-2-guardians-of-the-galaxy-vol-2-www.kafepauza.mk (4) film-chuvari-na-galaksijata-2-guardians-of-the-galaxy-vol-2-www.kafepauza.mk

Во овој дел имаме можност да дознаеме и нешто повеќе за Небула, како и за нејзиниот однос со сестра си, Гамора. Ова малку наликува на односот меѓу Тор и Локи, но од сосема поинаква перспектива. Исто така откриваме и многу повеќе информации за минатото на Јонду, како и за неговиот однос со Питер – нешто што многу недостасуваше во првиот дел. Овој пат, ќе бидете задоволни од тоа што ќе го дознаете, па да ве предупредиме уште веднаш – направете место во вашето срце и за него, уште пред да влезете во кино салата или да го пуштите филмот на вашиот лаптоп. Од друга страна пак, има и еден сосема нов лик, што ќе ви остави неверојатен и незаборавен впечаток. Станува збор за Мантис, мала и збунета вонземјанка со уникатна моќ што им дава сосема нова димензија на добро познатите чувари на галаксијата.

(6) film-chuvari-na-galaksijata-2-guardians-of-the-galaxy-vol-2-www.kafepauza.mk (7) film-chuvari-na-galaksijata-2-guardians-of-the-galaxy-vol-2-www.kafepauza.mk

Што се однесува до самата приказна, таа е во истиот стил како и првата. Можеби ќе си кажете дека веќе видовме како тие ја спасуваат галаксијата, па по втор пат веќе нема да биде интересно – но, да не заборавиме дека тие се Чуварите на галаксијата – тоа е нивната мисија! И овој пат ја спасуваат галаксијата од нешто сосема поразлично, нешто што никогаш не би ви ни паднало на памет дека е можно. Его, односно татко му на Питер, игра голема улога во тоа, но да не ви издадам нешто што не треба, ќе застанам тука и ќе ви кажам само уште дека филмот вреди да се гледа, и тоа што побрзо, толку подобро!

Сѐ уште не сте го гледале првиот дел? Прочитајте ја нашата рецензија и ќе сфатите зошто тој треба да ви биде првиот избор за филмскиот маратон за овој викенд!

За авторот
Дипломиран психолог кој обожава да пишува. Отсекогаш многу ја интересирала астрономијата и физиката, а животно мото ѝ е дека не смее да помине ни еден ден без танцување. Автор на книгата „На работ од времето“, првиот дел од трилогијата „Наследството на Вероника“.

Поврзани содржини

Остави коментар