Риби и близнаци – пријателска комбинација

Ова е едно од најпредизвикувачките пријателства за рибата, на која ќе ѝ биде потребно поголемо трпение за да го истрпи предизвикот. Без никаков сомнеж, за рибата близнаците претставуваат едни од најзабавните и најинтересните личности кои можете да ги сретнете во текот на животот. Таа ги сака неговите интересни прикаски, веселото расположение и остроумност. На ист начин, близнакот се восхитува на имагинацијата, сестраноста и интуицијата која ја поседуваат рибите.Риби и близнаци пријателска комбинацијаКако и да е, овие двајца пријатели имаат многу различна карактерна природа, што може да го растури нивното пријателство. Близнаците се поповршни и се потпираат на својата логика, додека пак рибата длабоко во себе е многу емотивна и сериозна личност. Ќе има моменти, кога близнакот ќе ѝ каже нешто на рибата на мајтап, што може да ја заболи како нож в срце. Од друга страна пак ќе има и моменти, кога меланхоличното расположение на рибата ќе го уништува веселиот дух на близнакот.

Близнакот и покрај тоа што ѝ се восхитува на флексибилноста на рибата и нејзината способност за лесна адаптација, сепак не може, а да не мисли дека неговиот пријател е преосетлив и не може да поднесе никаква критика. Наспроти ова, рибата пак најверојатно смета дека близнакот не ги сфаќа туѓите чувства доволно сериозно. Доколку близнакот биде доволно внимателен во врска со емоциите на рибата, таа веднаш ќе се прилагоди на неговиот весел и разигран дух.

Овие два знака имаат голема желба за патување, па може да уживаат во посета на некои историски градови, како и градови кои излегуваат на море. Што се однесува до потрагата по креативност, овие двајца може да ги интересира пишување и читање поезија, креативно пишување и внатрешен дизајн. Исто така, може да им се забавни и хобија како читање на дланки, гледање на кафе и сл. Кога сите активности ќе станат досадни, овие двајца нема да погрешат ако отидат некаде на танцување. Тие најверојатно ќе бидат совршениот пар на подиумот.


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Љубопитна новинарка со истражувачки дух, во вечна потрага по доза креативност. Животно мото ѝ е дека без утринско кафе, без испеана песна и без малку возбуда не треба да ѝ помине ниту еден ден. Се релаксира со фина музика, длабок филм или прошетка во природа во добро друштво. Верува дека добриот совет и астрологијата ѝ помагаат да се разбере себеси и светот околу неа. Неостварен сон - да го прошета светот.

Поврзани содржини

Остави коментар