Кој е најопасниот, најсилниот и најмоќниот хороскопски знак?

Кој е најопасниот, најсилниот и најмоќниот хороскопски знак?

Бунтовен, амбициозен, одлучен, избувлив и темпераментен. Вистински огнен знак! Погодувате, нели? Се работи за Овен. Предводен од Марс, неговото животно мото е: „Јас сум“. Тоа е првиот знак во Зодијакот, па не е ни чудно што сака во сè да биде прв. Овенот никогаш не се предава без борба, а кога ќе науми нешто, никој и ништо не може да го сопре. Токму затоа тој е роден за да успее. Следуваат 5 причини кои докажуваат зошто Овните се секогаш главни.

Кој е најопасниот, најсилниот и најмоќниот хороскопски знак?

1. Зрачат со самодоверба

Сте се запрашале ли некогаш како вашите колеги кои се Овен во хороскоп завршуваат два пати поголемо количество работа за дупло помалку време? Или зошто секогаш се пријавуваат да предводат некој тежок проект? Одговорот е едноставен: Тие се самоуверени. Умот на Овенот е одлучен и агресивен. Тие се нетрпеливи и никогаш не губат време на мисли кои почнуваат со зборовите: „Што ако?“. Наместо тоа, веднаш се впуштаат во акција и не се плашат од предизвици. Постојано во потрага по адреналин, нивната храбра и импулсивна природа им овозможува бестрашно да ги пребродат сите пречки што ќе се појават на нивното животно патешествие.

2. Харизматични се

На Овните не им е тешко да направат драматичен влез. Сите погледи се свртени кон нив само што ќе стапнат во просторијата. Нивниот моќен и влијателен изглед го надополнуваат со впечатлива облека која вриска од бои. Луѓето обожаваат да бидат во нивно друштво бидејќи тоа е едно посебно, енергично искуство. Овните го живеат животот со таков ентузијазам, што кај останатите предизвикува голем интерес и восхит. Нивната позитивна енергија се пренесува на сите што се околу нив, па затоа не е воопшто чудно што имаат толку многу пријатели.

3. Никогаш не се откажуваат

Овенот размислува на следниов начин: „Сè што можеш да направиш, јас можам да го направам подобро. Сè можам да направам подобро од тебе!“ Се сеќавате на она дете од училиште кое имаше најдобри оценки, беше најдобар фудбалер и совршено знаеше француски? Сигурно било Овен во хороскоп. Кога тие нешто ќе наумат, целосно се посветуваат и фокусираат тоа и да го остварат. Неуспехот не доаѓа предвид. Победа, победа и само победа!

4. Родени се да бидат лидери

На Овните не им е судено да бидат дел од масата, тие се родени да ја водат масата. Тие се многу дружељубиви, независни и полни со ентузијазам. Не сакаат некој друг да им дава наредби што може да изгледа малку арогантно, но луѓето сепак ја почитуваат нивната храброст. Овенот може нема да почне како лидер на проектот, но со тек на време без сомнение ќе стигне до таму. Секогаш ги преземаат работите во свои раце.

5. Поседуваат голема страст

Овните се неверојатно одлучни и посветени на тоа што го прават. Зборовите на другите луѓе како „Не можеш“, „Не е тоа за тебе“, „Не знаеш како“, воопшто не допираат до нив и не им дозволуваат да ги обесхрабрат. Напротив, им служат како уште поголема мотивација да се докажат и да стигнат до посакуваната цел. Притоа, во сè што прават внесуваат огромна енергија, страст и ентузијазам. Затоа кај нив успехот е неизбежен. Кога Овенот ќе реши нешто, ниедна сила на светот не може да го премисли. Сè што наумил ќе направи, без исклучок!


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Писателот во нејзината глава вели: Дај ми англиска книжевност. Дај ми урбан апсурд и егзистенцијализам. Дај ми мистерии за човечката психа. Дај ми театар и џез како терапија.

Поврзани содржини

  1. Непознат Reply

    Хахаха,далеку се од НАЈмноќни,може марс им дава борбеност и жар,али овните се далеку од најмоќни..зошто нивната брза реакција ретко им приложува успеси во животот,а од друга страна за опасен..далеку се и од НАЈ опасни,така да ве молам исфрлете ги овие глупави суперлативи..самодоверба имаат нормално марс е изворот на самодоверба исто така, а тоа дека и не се откажуваат никогаш…па до сега статистички многу овни сум видел што се СПОЛЕТАЛЕ (нели класично за овен) па се откажале…и недај боже да им дадеш критика или мислење зашто тоа го прават,попрво ќе те утепаат него ли да ти објаснат зашто они знаат што праат и немаат трпение за објаснување..објективизам 0..хаха
    Ко за крај,ве следам редовно од 2013 со статииве,секоја можна ви ја имам прочитано и ќе ве замолам задржете си го темпото од 2014 до половина на 2015 кај што имавте преубави статии овие се многу егоистични,се гледа дека тој што го пишува ова е овен.
    Поздрав.

  2. Kamelija Reply

    Malku smenite temi, mislam sekoja statija vi e za oven vo posledno vreme… Se moli avtorot da ne objavuva samo za negoviot znak i da se velici…

Остави коментар