Претходно
Хороскопот ви открива: Колку се менувате кога ќе започнете нова врска?
Сте пронашле момче, сте се заљубиле и логично е дека барем малку сте се промениле. Секако, промените најчесто се добри и позитивни за вашиот живот, но колку вљубувањето всушност влијае на вас и вашите навики ви открива знакот во кој сте родени.
Овен
Откако ќе се заљубите, вие станувате премногу опседнати со вашето момче. Вие сте опседнати до таа мера што целосно заборавате на пријателите и семејството. Нека не ве чуди тоа што некоја пријателка ви е лута, бидејќи често заради момчето знаете да заборавите на неа.
Бик
Добрата работа кај вас е тоа што кога ќе се заљубите вие заборавате на сите проблеми и ништо не може да го расипе вашето добро расположение. Во тој период сте насмеани, зрачите со позитивна енергија и за вас проблемите како одеднаш да не постојат.
Близнаци
Кога ќе пронајдете некој што ви се допаѓа и ќе се заљубите до уши, вие се менувате од темел. Повеќе не сте себични и егоистични, подготвени сте да му помогнете на партнерот, но и на луѓето од вашето опкружување. Тоа воопшто не се случува кога сте сингл.
Рак
Вие по природа сте чувствителни и темелни, но овие особини се менуваат кога сте во врска. Кај вас најочигледната промена е таа што кога сте заљубени, на работното место сте попродуктивни и покреативни.
Лав
Кога ќе се заљубите, вие сте првите што ќе се јават или ќе пратат СМС порака. Одеднаш започнувате да се грижите за туѓите потреби, а исто така станувате пољубезни и посочувствителни за проблемите и потребите на саканата личност.
Девица
Вие не сте тип кој туку-така ќе покаже емоции ниту пак заради заљубеноста ќе се најдете помеѓу облаците. Но, кога сакате, знаете несебично да се предадете и да не мислите само со главата, туку и со срцето.
Вага
Вие се однесувате како секогаш да сте заљубени, дури и тогаш кога сте тажни и скршени. Кај вас најочигледната промена се случува кога ќе почнете да ги избегнувате конфликтите и расправиите по секоја цена, но кога некој ќе ви замери во состојба сте да избувнете.
Скорпија
Вие кога ќе се заљубите знаете да имате многу незгоден карактер. Не сте љубоморни на луѓето во околината, но постојано го шпионирате партнерот и започнувате да љубоморите каде и да стигнете.
Стрелец
Вие не дозволувате врската да ве промени. Никој не може да ги затресе вашите уверувања, ставови и цврст карактер.
Јарец
Вие сте многу сериозна и професионална личност, но кога ќе се заљубите се однесувате како мало дете. Уште една очигледна промена е дека одеднаш материјалните нешто не ви се најважното нешто во животот.
Водолија
Кога ќе се заљубите, одеднаш почнувате да имате нови интересирања, сакате да гледате филмови кои досега ни во лудило не би ги погледнале, а врската ја гледате како можност да се усовршите себеси на сите полиња.
Риби
Вие сте вечни романтичари и нежни личности, кои кога ќе се заљубат до уши, умеат да ја покажат својата дива страна. Промената е дека одеднаш почнувате повеќе да излегувате и да лудувате, бидејќи врската за вас претставува забава.
Ви предлагаме да дознаете што е карактеристично за вашиот хороскопски знак кога станува збор за останувањето во љубовната врска.
