Хороскопот открива: Што ви предизвикува анксиозност?

Чувството на анксиозност му е познато секому, а тоа произлегува од карактерот на личноста, исто колку и од реалните околности. Она што вас ќе ве направи анксиозни, нема да биде истото нешто за некој друг, и обратно. Ѕвездите тоа го толкуваат вака.

1-horoskopot-otkriva-koja-e-vashata-prichina-za-anksioznost-www.kafepauza.mk_

Овен

Вие стравувате дека животот нема да оди, доколку самите не го туркате, не го влечете и поддржувате. И затоа само продолжувате со истото темпо, иако се чувствувате исцрпено и безнадежно. Убедени сте дека доколку подзастанете, сè околу вас ќе се распадне. Треба да се обидете, па да видите дека нема. Светот може и без вас. Можеби тоа потајно и најмногу ве загрижува?

Бик

Вашата анксиозност поттикнува чувство дека не сте доволно брзи и доволно добри. Дека нема да стигнете, дека ќе задоцните на важен состанок, дека ќе ги испуштите роковите и дека ќе предизвикате незадоволство и осуда кај оние чие мислење ви е важно. Бидејќи сакате да бидете лежерни и за никаде да не брзате, проблем ви е да фатите чекор со обврските и роковите и затоа однапред сте загрижени и под стрес. Но, вие не сте неодговорни и не ви недостасуваат вештини и компетенции – вашата свест за сопствените слабости го преувеличува овој проблем.

Близнаци

Вие дозволувате ситниците да допрат до вас и да ви предизвикаат голема количина стрес. Претерано реагирате доколку некој ви го попречи патот во сообраќајот, не можете да поднесете кога некој погрешно ќе напише некој збор, и воопшто, сето она што би требало да се одвива онака како што треба и да не ви го привлекува вниманието со својата нефункционалност, вие го доживувате како лична навреда. На вас би ви користела медитација за да ги стишите мислите и исклучување од надворешните дразби.

Рак

Вашата чувствителност ве држи во замка на анксиозност. Чувствувате страв додека сами гледате низ прозорот во текот на ноќта, честопати сте загрижени за вашата безбедност, но анксиозноста ќе предизвика критика и за тоа што некој гледа во вас. Вие не можете и не треба да ги поттикнувате овие емоции. Треба да дишете длабоко, да се смирите и да кажете што ви лежи на душата. Утехата и уверувањето дека сè ќе биде во ред е лекот за вашата анксиозност.

2-horoskopot-otkriva-koja-e-vashata-prichina-za-anksioznost-www.kafepauza.mk_

Лав

Секој пат кога не ја контролирате ситуацијата, вие се чувствувате анксиозно. Потребно ви е да се уверите дека работите ќе функционираат, иако сте постојано присутни да ја следите секоја реализација на одлуките и секој проект во кој учествувате, но и да земете пауза од потребата за контрола. За вас е ново и корисно искуство да следите нечие водство, да бидете само мал запченик во целиот механизам.

Девица

Самите на себе си предизвикувате анксиозност, со претераното размислување и анализирање на секоја одлука. Вашиот мозок ќе прегори додека разгледате сè од сите страни, но кога еднаш ќе започнете да го спроведувате она за кое толку сте размислувале, се смирувате. Потребно ви е да не го замислувате секогаш најлошото сценарио.

Вага

Слично како Девицата, претерано анализирате. Но, вашата анализа скоро и да не води до резултати, бидејќи секогаш имате половина причини за, а половина против. Тешко е да останете во рамнотежа и кога ќе го изгубите балансот, вие сте анксиозни. Потребно ви е некогаш да бидете импулсивни и едноставно да направите нешто, без процес на размислување, анализирање и неодлучност, низ кои сте навикнати да поминувате.

Скорпија

Кога немате доволно мир и приватност, вие сте под стрес, нервозни сте и вознемирени. Потребен ви е личен простор, за вашите внатрешни процеси и олеснувања и очекувате дека другите ги почитуваат вашите граници. Побарајте релаксација во некој спорт кој се одвива во природа (скијање, планинарење и слично) во кој останатите нема да ви попречуваат, бидејќи го прават истото што и вие и се релаксираат на истиот начин.

3-horoskopot-otkriva-koja-e-vashata-prichina-za-anksioznost-www.kafepauza.mk_

Стрелец

Вашата анксиозност ја предизвикуваат ограничувањата кои ги наметнуваат општеството и средината. Не можете да поднесете кога некој ви кажува како да се однесувате, облекувате или делувате. Секој напад на вашата лична слобода предизвикува многу нервоза, непријатност и стрес. Потребно ви е јакнење на границите кон надворешниот свет и свеста дека вашата слобода се наоѓа во вас, во вашиот дух и срце и дека ништо не може да ви ја одземе.

Јарец

Причината за вашата анксиозност е она што си го наметнувате на себе, а бидејќи сте строги, организирани, сериозни и полни со очекувања, вие си наметнувате многу повеќе. Оптоварени сте со напорот да ги почитувате роковите кои сте си ги задале и да ги изнесете сите проекти кои сте ги презеле. Поголемиот дел од вашиот живот се одвива однапред, а би требало помалку да се грижите за тоа „што ако“ и да поминувате повеќе време во сегашноста.

Водолија

Кога работите не се одвиваат на вашиот начин, онака како што вие сте ги замислиле и испланирале, тоа длабоко ве вознемирува. Се обидувате да си ги разјасните сите елементи и да жонглирате со полно работи истовремено, па тоа ви носи стрес. Потребно е да сфатите дека можеби воопшто не е лошо тоа што работите ќе се одвиваат поразлично отколку што сте ги планирале и да се обидете да сработувате едно по едно.

Риби

Вашата анксиозност го поттикнува чувството дека сте премногу изложени. Чувствителноста на Рибите го поттикнува сето позитивно и негативно во животот. Се ужасувате од обраќањето на поголема група луѓе, мразите кога вниманието е насочено кон вас и ве вознемирува навлегувањето во вашиот личен простор. Вие не можете да бидете помалку чувствителни од она што сте, па затоа само дишете длабоко.

4-horoskopot-otkriva-koja-e-vashata-prichina-za-anksioznost-www.kafepauza.mk_

За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

Остави коментар