Физичкиот изглед на хороскопските знаци

И покрај тоа што физичкиот изглед и градбата на луѓето се резултат на наследен фактор од нашите родители, сепак астролозите издвоиле општи физички карактеристики, кои ги имаат повеќето претставници на секој хороскопски знак. Прочитајте за вашиот сончев знак и за вашиот подзнак и видете дали ќе се пронајдете во описот.

Физичкиот изглед на хороскопските знаци

Овен – снажно тело и изразени црти на лицето

Со средна до цврста градба, припадниците на овој знак се обично спортски градени, а нивните мускули се видливи дури и кога имаат вишок килограми. Најчесто имаат потемен тен, права и густа коса, а некои претставници имаат и црвена коса. Со нивниот изглед оставаат впечаток на енергични и снажни личности. Овните не се склони кон гоење. Најчесто се облекуваат опуштено и спортски, а кога треба да облечат свечена облека за некоја прилика, преферираат црвена боја.

Бик – симетрично лице и полни усни

Физички гледано, припадниците на овој знак имаат најправилно симетрично лице. Повеќето од нив имаат полни усни и сјаен тен. Телото им е обично пропорционално градено, па ако се здебелат, се пополнуваат насекаде по малку. Нивниот изглед оддава впечаток на мека, но истовремено силна личност. Биковите се облекуваат елегантно, а најдобро им стојат зелена и крем боја.

Близнаци – весели очи и насмеано лице

Припадниците на овој знак се секогаш во движење. Лицето им е многу експресивно, секогаш делуваат полни си млад дух, а очите им се доста изразени. Најчесто имаат прилично долги раце и нозе, витко тело и висока градба, поради што делуваат грациозно, и покрај тоа што немаат истакнати мускули. Струкот најчесто не им е многу изразен. Лесно се пронаоѓаат во различни стилови на облекување, а омилени бои им се жолта и сребрена.

Рак – изразен нос и високо чело

Припадниците на овој знак обично имаат кружно лице со истакнати јаготки, но и впечатлив нос кој не мора да значи дека е голем, туку со малку необичен облик. Брадата им е кружна, градниот кош широк, а косата темна и не многу густа. Иако се младолики и витки, голем број од нив почнуваат да се гојат после 30-тата година од животот. Вратот им е краток и најчесто имаат чувствителна кожа. Целиот нивен изглед оддава впечаток на мека и суптилна личност, а омилени бои им се црната и белата.

Лав – широко чело и густа коса

Родените во знакот лав лесно се препознаваат по „гривата“. Густата и сјајна коса им е заштитен симбол, а ако почне да им опаѓа или белее стануваат многу загрижени. Нив ги краси широко чело, широка вилица и убаво обликуван нос. Мускулатурата им е изразено силна, а омилени бои им се жолтата и портокаловата. Сакаат тренди облека.

Девица – витка градба и нежни црти

Машките и женските припадници на овој знак се прилично витки, а доколку почнат да ја зголемуваат својата маса, обично се им се собира во рацете и стомакот. Телото им е симетрично, а на лицето имаат убави, нежни црти. Имаат истакнати јаготки и веѓи, а најчесто одбираат неутрални и елегантни комбинации на облека, кои се ненападни. Омилени бои им се сината и зелената.

Вага – овално и шармантно лице

Припадниците на овој знак најчесто имаат овално лице со правилни црти. Најчесто се повисоки од просекот, изгледаат софистицирано и имаат впечатлива боја на очи. Долниот дел од телото им е појак од горниот, а градниот кош и струкот потесни. Обожаваат да се дотеруваат и да го истакнуваат својот изглед, а омилени бои им се сината и црвената.

Скорпија – широки рамена и магнетски очи

Тие имаат прилично цврста физичка конструкција, па дури и кога се многу слаби делуваат силно. Имаат пошироки рамена од повеќето луѓе, лицето им е впечатливо, со сензуални усни, продорни очи и неправилен нос. Косата најчесто им е густа и со боја на лешник. Сакаат да изгледаат убаво, но не сакаат ништо што е нападно. Омилени бои им се црвената и црната.

Стрелец – најдобра фигура во целиот зодијак

Најчесто имаат просечна или нешто малку надпросечна висина и се спортски градени, состојба која можат самите да си ја уништат со претерано уживање и јадење. Најчесто имаат долгнавесто лице, заоблено чело и изразени сини или зелени очи. Кај нив често се случува да имаат проблем со опаѓање на косата. Сакаат спортски и опуштен изглед, а омилени им се светлите бои.

Јарец – елегантен и долг врат и ковчести рамена

Иако изгледот на припадниците на овој знак делува помалку неутрално, сепак тие се издвојуваат по тоа што се прилично ковчести. Најчесто се ниски или со средна висина, а очите им се големи и изразени. Лицето им е заоблено, со вовлечена брада, впечатливи заби и убава насмевка. Сакаат убава облека, но не и вулгарен изглед. Најдраги бои им се зелената и костенливата.

Водолија – средна висина и склоност кон дебелеење

Припадниците на овој знак најчесто се со средна висина или нешто под просекот, имаат полно лице и светол тен. Килограмите им се голем проблем по триесеттата година. Имаат мали дланки и стапала, но прекрасни нозе. Имаат убави очи и големи, меки усни. За нив облеката не игра некоја голема улога, а омилени бои им се виолетовата и сината.

Риби – привлечни, со убава кожа

Одличен тен, мека кожа и убави црти на лицето ги красат припадниците на овој знак. Лицето најчесто им е заоблено или овално, а косата јака и густа. Горниот дел од телото им е обично потенок од долниот, кој им е заоблен и широк. Очите им се најубав дел на рибите, имаат широка и срдечна насмевка на која ретко кој останува рамнодушен. Омилени бои им се зелената и црвената.


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Дипломиран новинар со широк спектар на интереси. Љубител на ТВ серии, фудбал и Цедевита. Статистичар по природа и страстен фан на Јувентус и Роџер Федерер.

Поврзани содржини

  1. Адријана Reply

    Врска нема.

  2. iva Reply

    za bliznaci za boe zuta i srebrena hahahahaa pojma nemate …….:D

  3. Danni Reply

    Јас сум рак и се е точно освен за вратот..

Остави коментар