Диета според хороскопскиот знак

Автор: Моника Димитровска

Овој период е идеален за намалување на телесната тежина. Астрологијата идентификува четири основни вида во хороскопот според кои знаците се делат, а тоа се оган, земја, воздух и вода.

Доколку сте во период на слабеење, прочитајте како се врзува тоа за вашиот хороскопски знак според видот во кој спаѓа.

Диета според хороскопскиот знак

Огнени знаци – Овен, Лав, Стрелец

Огнените знаци брзо слабеат. Лесно се одлучуваат за држење диета, но тешко ја издржуваат докрај. Тие имаат најмал степен на виталност и енергија. Се препорачува да се одлучат за диета базирана на протеини, многу месо, без масло, со зеленчук и редовно да спортуваат за диетата да има ефект.

Ќе постигнат голем ефект доколку ја одржуваат диетата во летниот период.

Треба да избегнуваат зачинета храна и црвено месо.

Земјени знаци – Бик, Девица, Јарец

Ќе се држат строго до диетата и физичката активност сѐ додека не ги постигнат посакуваните резултати. Такви се земјените знаци, упорни, малку предвидливи и досадни, но покажуваат практични резултати и со својата тврдоглавост можат да симнат и дваесет килограми.

Се препорачува да јадат овошје, салати, зелје, варен зеленчук со зачини, природни и густи сокови, сирење, путер, нерафинирани житарици, супи и чаеви за слабеење кои имаат голем ефект кај нив.

Треба да избегнуваат тешки диети кои се базираат на протеини, сурова храна и газирани пијалаци.

Земјените знаци имаат потреба од исхрана што се базира на една кинеска поговорка: Појадувај сам, ручај со пријателот, а вечерај со непријателот.

Воздушни знаци – Близнаци, Вага, Водолија

Воздушните знаци лесно се стимулираат себеси доколку сакаат да ослабат или да почнат со физичка активност. Ги сакаат брзите диети, а најмногу јадат навечер.

Покрај потење во теретана, додека се придржуваат до одредена диета, на овие знаци им одговараат масажи, солариум и јога за да се релаксираат и да заборават колку им недостасува чоколадата.

Се препорачува да јадат лесно парен зеленчук, ореви, ѓумбир, јогурт, кефир и лук.

Треба да избегнуваат житарици, рафиниран шеќер и сурова храна.

Телесната тежина на овие знаци е превртлива како нивниот карактер.

Водени знаци – Рак, Скорпија, Риби

Водените знаци се чувствителни на нивната животна средина, и се подложни на вируси, габи и бактерии. За да ја постигнат посакуваната тежина способни се и да гладуваат со денови. Им одговара лесна кујна бидејќи имаат бавен метаболизам.

Се препорачува да јадат парен зеленчук, грав, риба, овошје, пченица, ориз, алги, млечни производи и природни шеќери.

Треба да избегнуваат мрсна храна, слатки, леб, сол, морков, целер и зелка.

Исто така треба да пијат многу вода.

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Читај на раат!

Поврзани содржини

Остави коментар