Претходно
Астрологијата открива: Кои хороскопски знаци најлесно се заљубуваат?
Датум: 25 мар 2016
Коментари: 0
Има ли некој кој не сака својот живот, покрај со успеси, да го исполни и со љубов: Од семејството, пријателите, како и од оние луѓе кои ги сметаме за сродни души и за час бегаме од реалноста кога сме во нивните прегратки? Иако е познато дека хороскопот, реално, не игра пресудна улога во потрагата по љубовта, сепак ѕвездите понекогаш можат да ги откријат особините и склоностите на луѓето кои припаѓаат во една од групите на хороскопски знаци кои, пак, можат да бидат клучни во потрагата по најсоодветните партнери. Во продолжение прочитајте кои хороскопски знаци најлесно се заљубуваат.
Огнени знаци
Како што е веќе познато, луѓето родени во знаците на Овен, Лав или Стрелец брзо се заљубуваат, уште побрзо заведуваат, но и брзо го губат интересот. Ако некоја личност им се допадне, тие се подготвени за акција и авантура, но тоа не значи дека се промискуитетни. Напротив, тие се добро подготвени и за долги и стабилни врски. Единствениот проблем е што се често недостижни бидејќи имаат обожаватели на секој чекор. Имајте на ум дека огнените знаци не сакаат кога нивната слобода е ограничена и кога не можат да бидат свои.
Воздушни знаци
Близнаците, Вагата и Водолијата обично не веруваат во љубов на прв поглед. Пред да го поклонат своето срце на некоја личност, најпрво добро ќе го анализираат нејзиниот карактер и дури во оној момент кога ќе утврдат дека некој заслужува да биде со нив, ќе се опуштат и ќе ја испорачаат картата за нивниот свет. Тоа се знаци кои прават „за и против“ листи и дури потоа тргнуваат во акција, па токму поради тоа, на прв поглед можат да изгледаат ладно и незаинтересирано во споредба со другите знаци. Интелигенцијата и шармот им се многу поважни од физичкиот изглед.
Земјени знаци
За Девиците, Биковите и Јарците, стабилноста е една од најважните работи кои ги очекуваат од една врска и затоа секогаш ќе бидат искрени кон своите партнери. Склони се на претераното анализирање и критичното размислување, па понекогаш можат во сѐ да најдат маана. Бавно се заљубуваат и во никој случај не сакаат да им се врши притисок кога треба да одлучат. Тешко се менуваат, не се секогаш спремни на компромис и знаат да побараат од другите да се прилагодат на нив, но затоа пак се лојални и кога сакаат, сакаат до крај.
Водни знаци
Ракот, Скорпиите и Рибите по природа често се заљубуваат и не им е тешко некому да го поклонат своето срце. Единственото нешто што го бараат од своите партнери е верност, искреност и внимание во големи количини. Не опростуваат лесно и ги памтат туѓите грешки кои имале голем ефект врз нив. Доколку се обидете да си поиграте со нивните чувства, тогаш водните знаци знаат да ви вратат три пати посилно.
