Астрологијата и летните љубовни авантури

Летото е период кога се чувствува најмногу енергија како резултат на Сонцето, кое се наоѓа на највисоката позиција на небото. Во овој период, ќе му погледнете одблизу на животот и на љубовните врски.

Ова лето ќе се донесуваат многу одлуки на полето на љубовта. Сингл сте? – Ќе ви биде забавно кога ќе запознаете нова личност. Во врска сте? Но, врската ви е здодевна, па може да одлучите да ја прекинете. Одлуки, забава, енергија… Што ќе донесе ова лето за секој хороскопски знак?Астрологијата и летните љубовни авантури

Овен

Сатурн доминира во вашата љубовна ѕвезда, што ќе ви помогне да донесете конечни одлуки за љубовните врски, што ќе има долготрајни последици. Вие сте знак кој сака посветеност, затоа не губете си го времето со нестабилни партнери.

Бик

Јупитер во вашиот знак ве става во фокусот на вниманието и ќе ви донесе многу можности за запознавање нови луѓе. Истражувајте, а вистинската врска ќе ви ја овозможи слободата за експериментирање.

Близнаци

Љубовта има скриена тематика во вашиот знак, што е резултат на мистериозното влијание од Јупитер. Марс е во знакот на близнаците во периодот од 22 јуни до 4 јули, па тогаш ќе бидете самоуверени да појдете по она што го сакате во љубовта. Бидете храбри!

Рак

Вашите пријатели се вашите волшебници кои ќе ви донесат среќа во љубовта. Затоа, ако сте сингл, оставете го вашиот пријател/ка да се стави во улога на Купидон. Вљубените ракови ќе уживаат дружејќи се повеќе време со пријателите. Фамилијарниот живот, живеењето во пар и плановите за заеднички живот ќе тргнат напред.

Лав

Целосно сте посветени на работата, повеќе од кога било, со оглед на тоа дека Јупитер ви помага да напредувате на професионален план. Бидете подготвени да се носите со вашите чувства бидејќи возможни се романтични авантури на работното место. Во периодот од 29 јули до 21 август, Венера ќе се наоѓа во вашиот знак. Тогаш ќе заблескате со својот изглед, па ова е најдобар период да привлечете онаква љубов каква што заслужувате.

Девица

Јупитер ќе ја разбуди вашата немирна страна, што ќе ве натера да го зачините љубовниот живот. Излезете надвор од зоната на комфорот и предизвикајте се самите себе да испробувавте нови работи. Бидете лојални кон пријателите и во љубовта. Некои недоразбирања можат да резултираат со одложувања на љубовните авантури до август.

Вага

Влијанието на Сатурн ви помага да созреете и да донесете подобри одлуки во љубовта.
Ќе научите како да се справите со оние кои не се доволно сериозни. Имајте време за луѓето што ви се важни. Голема е шансата да се обврзете и да донесете клучна љубовна одлука.

Скорпија

Со темпераментниот Јупитер во вашата љубовна зона, ова ќе биде едно исполнето лето за вас. Слободните скорпии ќе добијат многу романтично внимание, додека оние кои се во врска ќе можат да ја однесат врската на следното ниво, полесно од вообичаено.

Стрелец

Сега сте посенсзуални од кога било и сте склони кон намалување на темпото во љубовта за да можете да уживате во секој момент. Малите љубовни гестови значат многу повеќе од некакви екстравагантни подароци. Затоа, правете приземни љубовни планови.

Јарец

Марс ќе биде во вашата љубовна зона од 4 август, па оттогаш ќе бидете отворени за сè. Оваа планета ќе ви донесе и самодоверба, што пак ќе ви помогне да се однесувате како што се чувствувате. Возможно е да тргнете напред во љубовта. Не чекајте, преземете го првиот чекор!

Водолија

Меркур ќе ви помогне да остварите нови конекции и подобро да ги запознаете оние што ги сакате во месец јули. Венера ќе ви овозможи љубов во август, но треба да бидете флексибилни со оглед на ретроградното влијание, што значи дека е можно да се случуваат недоразбирања. Бидете јасни во комуникацијата.

Риби

Ова лето треба да се изразувате себеси на секој начин, бидејќи можете да направите значителни промени во љубовта под влијание на Јупитер. Рибите што се во врска ќе се почувствуваат подготвени да ја продлабочат блискоста и довербата преку донесување практични одлуки, како на пример, заедничко користење на парите и местото на живеење.
———————————————————————————————————————————————————————

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Читај на раат!

Поврзани содржини

Остави коментар