5 хороскопски знаци кои најтешко се справуваат со раскинувањето

Раскинувањата никогаш не се лесни. Ако сте некои од знаците кои немаат проблем со преболување на претходна љубов, тогаш сте навистина среќни. Но за некои други знаци преболувањето може да трае со месеци, па дури и години. Па, погледнете за кои раскинувањето е навистина тешко.

5 хороскопски знаци кои најтешко се справуваат со раскинувањето

1. Бик

Бикот ја гледа секоја посветеност како доживотна. Во нивните креативни, романтични и професионални подвизи, Биковите не прифаќаат ништо на коешто не би му се посветиле целосно. По раскинување, на Биковите им е потребно најдолго време за преболување. Се разбира, тие можат да имаат други љубовници и врски, но потребно е време да го заборават стариот партнер. А кога тоа ќе се случи, тие всушност не го „преболиле“ партнерот, туку ја пронашле таа љубов во друга форма.

2. Рак

Чувствителните Ракови се плашат од напуштање повеќе од сè, па раскинувањето им е вистински кошмар. Со него се активираат сите нивни стравови, а тие се обидуваат да се закопаат длабоко во нивната школка. Исто така големи се шансите за депресивна епизода по раскинувањето. Велат дека за преболување е потребно половина од траењето на врската. Но, мекото срце на Раковите не следи никакви правила.

3. Скорпија

Штом Скорпијата ќе се „закачи“ за некого, може да ѝ биде навистина тешко да го пушти. Скорпиите обично знаат кога нешто завршува, но сепак остануваат во контакт. Врската може да биде одамна готова, но Скорпиите ќе најдат начин да допрат до поранешниот партнер. Единствениот начин да се ослободите од неа е да го прекинете секој контакт.

4. Јарец

Јарците можеби не покажуваат, но многу вложуваат во врските и тоа уште на почетокот. Вложуваат многу труд и енергија во нивниот љубовен живот, а кога нешто не оди по план преземаат целосна одговорност. За да преболат стара љубов, Јарците треба да сфатат дека не згрешиле, туку дека едноставно понекогаш врските не успеваат. Единствената среќа за којашто се одговорни е нивната.

5. Риби

Рибите навистина знаат да љубат со целото свое битие. По раскинувањето, тие ќе продолжат да љубат дури и ако чувствата не им се возвратени. Понекогаш се потребни години за да преболат, па најдобриот начин да го направат тоа е да ја насочат нивната љубов кон некој или нешто друго. Рибите знаат дека љубовта е дар и не сакаат да ја даваат на некого што не ја знае нејзината вредност. На нивното срце му е потребна заштита и само тие можат да му ја дадат.

Дознајте и што му е потребно на секој хороскопски знак после тешко раскинување.

За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар