Претходно
Животниот циклус на љубовните врски
Парискиот фотограф Џулиен Маув ги документира случувањата во љубовните врски преку колекција фотографии, која тој ја нарече „Безнадежни романтичари“. Станува збор за емоционална приказна составена од запознавање, вљубување, несогласувања, разделба и обид за повторно смирување. Фотографиите се испланирани до совршенство, со внимавање на секој детаљ.
Во серијата фотографии има два главни ликови кои минуваат низ вообичаените фази на љубовните врски. Фотографот објаснува дека целиот проект е инспириран од очајната потрага по совршената љубов која ја гледаме во филмовите и за која читаме во книгите. Тој вели:
„Кога реалноста ќе ја прегази магијата на љубовта и ќе исчезне илузијата за романтичните клишеа, мажите и жените почнуваат да се гледаат какви се навистина. Со настапувањето на реалноста, доаѓаат и тешките мигови кога мора да ја ускладиме нашата врска со нашите очекувања.“
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
