Претходно
Запознајте ја фотографката која е во врска со сама себе
Датум: 07 ное 2013
Коментари: 0
Нереалниот начин на презентирање на љубовните врски во романтичните комедии, ѝ дало идеја на една артистка да започне врска со самата себе, барем кога станува збор за нејзината фотосерија со автопортрети.
Фотографката Пинелопи Колопуло, која ги работела нејзините фотографии како дел од своите магистерски студии по Мода и филм на Лондонскиот моден колеџ, решила да го истражи концептот на љубовните врски, позирајќи пред камерата и како машкото и како женското во врската.
„Употребував шминка, перики и разна облека за да се претворам себеси во различни карактери, но омилени фотографии ми се оние кои се фокусираат на некое конкретно движење, како на пример кога ќе ја свиткам половината, на начин кој прави да изгледам како маж“ – вели Пинелопи, која има грчко потекло.
И покрај тоа што Пинелопи на почетокот планирала да повика пријатели за да учествуваат во нејзината фотосерија, сепак подоцна решила самата да биде единствениот учесник, бидејќи токму тоа на крајот го направило нејзиниот проект забавен и интересен.
Фокусирајќи се на добрите и лошите страни на љубовните врски, бидејќи како што вели артистката „таква е реалноста“, фотографиите кои се уредени во Фотошоп, се осврнуваат на разни хумористични аспекти на паровите кои живеат заедно.
„Сакав да направам фотографиите да изгледаат малку смешни, дури и комични, па на моменти може да делуваат и малку пренагласени.“
„Сакам парови, додава таа. Интересни ми се… Секој ден, наликуваат сè повеќе и повеќе еден на друг и понекогаш го губат чувството за индивидуалност.“
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
