Волшебна детска соба која ќе ве остави без зборови

Волшебна детска соба која ќе ве остави без зборови

Дизајнирањето и декорирањето на детските соби е многу интересно и забавно искуство, а резултатите може да ги воодушеват не само децата, туку и возрасните. Дизајнерот Стив Кул ја исполнил фантазијата на едно дете, претворајќи ја неговата соба во неверојатен морски свет со фантастични тродимензионални елементи.

Волшебна детска соба која ќе ве остави без зборови

Во оваа уникатна соба ќе добиете впечаток како да сте неколку метри под површината на морето, опкружени со сина вода, морски суштества и корали. Погледот од долу на бродот кој плови и кој се наоѓа на замислена граница помеѓу две синила, дополнително го зголемува овој впечаток.

Волшебна детска соба која ќе ве остави без зборови

Највпечатливиот елемент во собата е токму големиот пиратски брод кој се протега низ едната страна на собата. До дрвената палуба сместена високо на ѕидот, можно е да се стигне единствено преку малиот мост направен од дрво и јаже.

Волшебна детска соба која ќе ве остави без зборови

На палубата има кормило, стражарски кули и доволно простор за дополнителен кревет. Но, тоа не е сѐ. Преку дупката во палубата бродот директно се спушта во гардероберот.

Волшебна детска соба која ќе ве остави без зборови

Другиот крај на мостот завршува над затворската ќелија. За да постигне што пореален ефект, дизајнерот вградил и челична врата изградена по нарачка.

Волшебна детска соба која ќе ве остави без зборови

Оваа магична соба чува уште едно изненадување. Зад вратите на плакарите скриена е тајна просторија. Сензорите на движење го вклучуваат светлото во просторијата и откриваат интригантна портокалова дупка во ѕидот. Кој е подобриот начин да ја напуштите оваа необична соба ако тоа не е преку шеснаесет и пол метри долгиот тобоган кој води до приземјето на куќата?

Волшебна детска соба која ќе ве остави без зборови


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Економист во изградба, а страстен обожавател на пишаниот збор уште откако знае за себе. Смета дека животот без домашно милениче не изгледа комплетен, а кафето со многу шеќер го смета за едно најубавите утрински задоволства.

Поврзани содржини

Остави коментар